រតនគិរី៖ តាមសេចក្តីប្រកាសព័ត៌មានរបស់មន្ទីរការងារ និងបណ្ដុះបណ្ដាលវិជ្ជាជីវ: ខេត្តរតនគិរី បានឲ្យដឹងថាគិតត្រឹមថ្ងៃទី៣ ខែកក្កដា ឆ្នាំ២០២៣ម្សិលមិញនេះ មានជនរងគ្រោះធ្វើការនៅក្រុមហ៊ុន ហ័ង អាញ អណ្តូងមាស ខេត្តរតនគិរី សរុបចំនួន១១នាក់ ក្នុងនោះ១០នាក់បានបាត់បង់ជីវិតដោយសារការពុលស្រា។
គួរលឹកដែលថា កាលពីថ្ងៃទី ២៨ ខែមិថុនា ឆ្នាំ២០២៣ មានប្អូនកម្មករនិយោជិតធ្វើការនៅក្រុមហ៊ុន ហ័ង អាញ អណ្តូងមាស ស្ថិតនៅភូមិ៣ ឃុំស្រែអង្រឹង ស្រុកកូនមុំ ខេត្តរតនគិរី ចំនួន១១នាក់ មានអាការៈក្អូតចង្អោរ មិនស្រួលខ្លួន សង្ស័យពុលស្រា ។ ក្រោយទទួលបានព័ត៌មានភ្លាមមន្ទីរបានចុះត្រួតពិនិត្យ និងស្រាវជ្រាវករណីនេះភ្លាមៗ ដោយសហការបានជាមួយអាជ្ញាធរមានសមត្ថកិច្ច និងមន្ទីរសុខាភិបាលខេត្ត ព្រមទាំងបានណែនាំក្រុមហ៊ុនឱ្យចាត់វិធានការសុវត្ថិភាព និងសុខភាពការងារបន្ថែមជាបន្ទាន់ ដើម្បីបង្ការហានិភ័យដល់កម្មករនិយោជិតពាក់ព័ន្ធ។
បន្ទាប់ពីការស្រាវជ្រាវ អង្គភាពជំនាញសុខាភិបាលបានបញ្ជាក់ថា ករណីដែលបានកើតឡើង គឺបណ្តាលមកពីពុលស្រាដែលត្រូវបានគេដាក់លក់នៅតាមទីតាំងក្បែរក្រុមហ៊ុន។ជនរងគ្រោះទាំង១១នាក់ នោះគឺមាន១០នាក់បានបាត់បង់ជីវិត ក្នុងនោះមានកម្មករនិយោជិតចំនួន០៥នាក់៕
អត្ថបទ៖ សង្គម