នាថ្ងៃទី០៤ ខែកក្កដា ឆ្នាំ២០២៣ ក្លិបបាល់ទាត់ឡាយហ្វ (Life Football Club) ដែលមានលោក Peter Koo អគ្គលេខាធិការ បានប្រកាសនាំចូលកីឡាករ២រូប ដែលជាអតីតសមាជិកក្រុម Soltilo Angkor FC ដើម្បីត្រៀមសម្រាប់ពានរង្វាន់ Cambodian League 2 និងការប្រកួតនានា នៅពេលខាងមុខ។
លោក Peter Koo អគ្គលេខាធិការក្លិប បានលើកឡើងថា ការនាំយកកីឡាករ ២រូបនេះចូលរួមជាមួយក្រុម បន្ទាប់ពីឃើញពីទម្រង់លេងក្នុងព្រឹត្តិការណ៍ KCC Pre-Season Cup 2023 ថាគាត់មានសមត្ថភាពអាចប្រកួតជាមួយកីឡាករធំៗបាន គាត់ខ្លាំងហើយមានថាមពល។
១. ហាក់ វុទ្ធី ជាកីឡាករ ដែលយល់ដឹងពី និងមានបទពិសោធន៍ Cambodian League 2 របស់កម្ពុជា និងជាអតីតកីឡាករក្រុម Soltilo Angkor FC និងជាកីឡាករយុវជនថ្នាលបាល់ទាត់ភ្នំពេញក្រោន។
២. គួរ សុភ័ក្ត្រ ខ្សែបម្រើវ័យក្មេង និងសកម្ម បានចំណាយពេលជាមួយក្រុម Soltilo Angkor FC ហើយនឹងនាំយកបទពិសោធន៍ Cambodian League 2 របស់គាត់មកកាន់ក្លិបបាល់ទាត់ឡាយហ្វ (Life Football Club)។
គួរបញ្ជាក់ថា ឡាយហ្វ (Life Football Club) នឹងក្លាយជាក្លិបបាល់ទាត់អាជីពដំបូងគេបង្អស់ប្រចាំខេត្តព្រះសីហនុ ដែលចូលរួមប្រកួតជាផ្លូវនៅក្នុងក្របខណ្ឌលីគលំដាប់ទី២ Cambodian League 2 រដូវកាល ២០២៣/២០២៤៕
