កាលពីថ្ងៃទី២៩ ខែមិថុនា ឆ្នាំ២០២៣ សហព័ន្ធកីឡាតេក្វាន់-ដូ ITF កម្ពុជា បានប្រកាសស្ដីពីការរៀបចំការប្រកួត កីឡាតេក្វាន់-ដូ ITF ជ្រើសរើសជើងឯកថ្នាក់ជាតិ ឆ្នាំ២០២៣។
សហព័ន្ធកីឡាតេក្វាន់-ដូ ITF កម្ពុជា សូមជូនដំណឹងដល់សមាគម ក្លឹប ទាំងអស់ឱ្យបានជ្រាបថា ការប្រកួតកីឡាតេក្វាន់-ដូ ITF ជ្រើសរើសជើងឯកថ្នាក់ជាតិ ឆ្នាំ២០២៣ ដែលនឹងប្រព្រឹត្តិទៅចាប់ពីថ្ងៃទី១៤ ដល់ថ្ងៃទី១៦ ខែកក្កដា ឆ្នាំ២០២៣ នៅក្នុងសាល ដំបូលទូកអគារមជ្ឈមណ្ឌលជាតិហ្វឹកហ្វឺនកីឡា មានចំនួន ២៣វិញ្ញាសា ដូចខាងក្រោម៖
វិញ្ញាសាមេគុន មាន០៧ ប្រភេទ
- ១.១- ខ្សែក្រវ៉ាត់ក្រោមខ្មៅ បុរស (សម្រាប់ក្លឹប)
- ១.២- ខ្សែក្រវ៉ាត់ក្រោមខ្មៅ នារី (សម្រាប់ក្លឹប)
- ១.៣- ខ្សែក្រវ៉ាត់ខ្មៅ១ជាន់ បុរស (សម្រាប់ក្លឹប)
- ១.៤- ខ្សែក្រវ៉ាត់ខ្មៅ១ជាន់ នារី (សម្រាប់ក្លឹប)
- ១.៥- ខ្សែក្រវ៉ាត់ខ្មៅ១ជាន់ បុរស (ជម្រើសជាតិ)
- ១.៦- ខ្សែក្រវ៉ាត់ខ្មៅ១ជាន់ នារី (ជម្រើសជាតិ)
- ១.៧- ខ្សែក្រវ៉ាត់ខ្មៅ២ជាន់ បុរស (ជម្រើសជាតិ)
វិញ្ញាសាបច្ចេកទេសពិសេស មាន ១ប្រភេទ
- ២.១- ឯកត្តជនបុរស (Kae-In-Jon-Tuk-Gi)
- វិញ្ញាសាប្រយុទ្ធឯកត្តជន មាន១៥ ប្រភេទ
- ក- នារីមាន ០៥វិញ្ញសា (-40 -45 -50 -55 -60)
- ខ- បុរសមាន ០៧វិញ្ញសា ( -45 -50 -55 -60 -65 -70 -75 )
- គ-វិញ្ញាសាប្រយុទ្ធសេរីជម្រើសជាតិ (52-65)(65-75) +75
រាជធានី ខេត្ត ក្រសួង ស្ថាបនមានសិទ្ធិដាក់ពាក្យចូលរួមប្រកួតយ៉ាងច្រើន ០២ក្លិប និងមានកីឡាករ កីឡាការិនី ១០នាក់យ៉ាងច្រើន ក្នុង១ក្លឹប ។ កីឡាករ កីឡាការិនី ១រូបអាចចូលរួមប្រកួតបានច្រើនបំផុត ៣វិញ្ញាសាប៉ុណ្ណោះ។
សមាគម-ក្លឹបមានសិទ្ធិចុះឈ្មោះបញ្ជីកីឡាករ-ការិនី បានតែ១រូបប៉ុណ្ណោះក្នុង១វិញ្ញាសា មានអាយុ១៧ឆ្នាំដល់៣៩ឆ្នាំ។
វិញ្ញាបច្ចេកទេសពិសេស និងមេគុន ពុំមានចំណាត់ថ្នាក់ លេខ ៣ស្ទួនទេ មានតែវិញ្ញាសាប្រយុទ្ធទេ មានលេខ៣ស្ទួន។ ការទទួលពាក្យប្រកួតចាប់ពីថ្ងៃជូនដំណឹងនេះរហូតដល់ ថ្ងៃទី៥ ខែកក្កដា ឆ្នាំ២០២៣ វេលាម៉ោង១៧:០០នាទី នៅសហព័ន្ធ៕
