ចំណាប់អារម្មណ៍របស់លោក ប្រាក់ វុទ្ធី គ្រូបង្វឹករបស់ក្រុមជម្រើសជាតិនារីអាយុក្រោម ១៩ឆ្នាំ ក្នុងសន្និសីទសារព័ត៌មាន ត្រៀមប៉ះឡាវ ក្នុងពានរង្វាន់ AFF U19 Women’s Championship 2023 នៅកីឡដ្ឋាន Gelora Sriwijaya វេលាម៉ោង ៣:៣០នាទីរសៀល ទីក្រុង Palembang ប្រទេសឥណ្ឌូនេស៊ី។
លោក ប្រាក់ វុទ្ធី បានថ្លែងដូច្នេះថា៖«ថ្វីត្បិតក្រុមកម្ពុជាយើងនៅក្មេងខ្ចីនៅឡើយ ហើយគ្រប់ការប្រកួតសុទ្ធសឹងជាមេរៀនដែលត្រូវយកជាបទពិសោធន៍ ប៉ុន្តែថ្ងៃនេះពួកយើងនឹងព្យាយាមធ្វើឲ្យបានល្អ ហើយពាក្យថាឈ្នះ គឺថិតនៅក្នុងចិត្តយើងជានិច្ច»។
ក្រុមជម្រើសជាតិនារីអាយុក្រោម១៩ឆ្នាំ កម្ពុជា ស្ថិតនៅក្នុងពូល A មានដូចជា៖ ម្ចាស់ផ្ទះ ឥណ្ឌូនេស៊ី, ឡាវ និងទីម័រខាងកើត ហើយនៅថ្ងៃបើកឆាកការប្រកួតនេះដែរ ក្រុមម្ចាស់ផ្ទះនារីឥណ្ឌូនេស៊ី ក៏ត្រូវទទួល ក្រុមនារីទីម័រខាងកើត នៅកីឡដ្ឋាន Gelora Sriwijaya ដូចគ្នា។
កាលវិភាគរបស់ក្រុមជម្រើសជាតិនារីអាយុក្រោម១៩ឆ្នាំ កម្ពុជា ទាំង ៣ប្រកួត ជម្រុះក្នុងពូល៖
- ថ្ងៃទី០៥ កក្កដា៖ កម្ពុជា ប៉ះ ឡាវ នៅកីឡដ្ឋាន Gelora Sriwijaya ទីក្រុម Palembang
- ថ្ងៃទី០៧ កក្កដា៖ កម្ពុជា ប៉ះ ទីម័រ ឡេស្តេ នៅកីឡដ្ឋាន Gelora Sriwijaya ទីក្រុម Palembang
- ថ្ងៃទី០៩ កក្កដា៖ កម្ពុជា ប៉ះ ឥណ្ឌូនេស៊ី នៅកីឡដ្ឋាន Gelora Sriwijaya ទីក្រុម Palembang។
ការប្រកួតពានរង្វាន់បាល់ទាត់នារី AFF U19 Women’s Championship 2023 ដែលប្រទេសឥណ្ឌូនេស៊ី ទទួលរៀបចំធ្វើជាម្ចាស់ផ្ទះនេះគ្រោងនឹងចាប់ផ្តើមប្រកួតពីថ្ងៃទី៥ ដល់ ថ្ងៃទី១៥ ខែកក្កដា ឆ្នាំ២០២៣៕
