នៅរសៀលថ្ងៃពុធ ទី០៥ ខែកក្កដានេះ សមាគមកីឡាបាល់ទាត់ក្រសួងមហាផ្ទៃ បានចេញសេចក្ដីប្រកាសព័ត៌មាន ស្ដីពីការព្រមព្រៀងបញ្ចប់កិច្ចសន្យាការងារជាមួយ លោកគ្រូ អ៊ុង កនយ៉ានិត ជាផ្លូវការ។
រំលឹកថា លោកគ្រូ អ៊ុង កនយ៉ានិត បានចូលរួមការងារជាមួយសមាគម កាលពីចុងឆ្នាំ២០០៩ រហូតដល់ខែមិថុនា ឆ្នាំ២០២៣។ រយ:ពេល ១៣ឆ្នាំកន្លងមកនេះ លោកបានខិតខំប្រឹងប្រែងជួយសមាគមជាច្រើន សម្រាប់ក្លិបបាល់ទាត់នគរបាលជាតិ គឺលោកជួយឱ្យក្លិបឈ្នះពានរង្វាន់សម្តេចអគ្គមហាសេនាបតីតេជោ ហ៊ុន សែន កាលពីឆ្នាំ ២០១៤ ម្ដងផងដែរ។
សូមបញ្ជាក់ថា លោក អ៊ុង កនយ៉ានិត ជាអតីតកីឡាកររបស់ក្លិបបាល់ទាត់ ខេមរាកីឡាដែលជាម្ចាស់ជើងឯកលីគកំពូលកាលពីបង្កើតដំបូង ។ គ្រូបង្គោលរូបនេះ ធ្លាប់ចូលកាន់តំណែងជាគ្រូជំនួយក្រុមជម្រើសជាតិកម្ពុជា ពោលគឺចាប់ពីឆ្នាំ ២០១៤ ដោយចាប់ផ្ដើមជាមួយនឹងគ្រូបង្វឹក Lee Tae-hoon និងធ្លាប់ជាអតីតគ្រូបង្គោលរបស់ក្លិបបាល់ទាត់នគរបាលជាតិក្នុងពេលដំណើរគ្នាផងដែរ ៕
