ក្រុមបាល់ទាត់ជម្រើសជាតិកាតារ និងក្រុមហុងឌុយរ៉ាស់ សុទ្ធតែរកបានជ័យជម្នះដូចគ្នាក្នុងប្រកួតទី២ពូល D នៃពានរង្វាន់ប្រចាំទ្វីបអាមេរិកខាងជើង 2021 CONCACAF Gold Cup នៅព្រឹកថ្ងៃអាទិត្យ ទី១៨ ខែកក្កដា ឆ្នាំ២០២១ នេះ ខណៈក្រុមទាំង២មិនទាន់ទទួលកៅអីសុវត្ថិភាពនៅឡើយនោះទេក្នុងដំណើរឆ្ពោះទៅជុំបន្ត។
ជាលទ្ធផលប្រកួតក្រុមពូល D មាន៖
-ហ្គ្រីណាដា ០-៤ កាតារ នៅកីឡដ្ឋាន BBVA Stadium, Houston
-ប៉ាណាម៉ា ២-៣ ហុងឌុយរ៉ាស់ នៅកីឡដ្ឋាន BBVA Stadium, Houston
⚽ Con @FenafuthOrg clasificado a los cuartos de final, así quedó la tabla del Grupo D de la #CopaOro21 🏆 tras la fecha 2.#EstoEsNuestro pic.twitter.com/3i3Jzte8lP
— Gold Cup (@GoldCup) July 18, 2021
សម្រាប់ប្រកួតចុងក្រោយក្នុងពូល D នេះនឹងធ្វើឡើងនៅថ្ងៃទី២១ ខែកក្កដា ឆ្នាំ២០២១ ដោយក្រុម៖
-ប៉ាណាម៉ា ប៉ះ ហ្រ្គីណាដា ម៉ោង៨ព្រឹក លើទីលានកីឡដ្ឋាន Exploria Stadium, Orlando
-ហុងឌុយរ៉ាស់ ប៉ះ កាតារ ម៉ោង៨ព្រឹកលើទីលានកីឡដ្ឋាន BBVA Stadium, Houston
សម្រាប់ប្រកួតព្រឹកស្អែកនេះនឹងបិទពូល B ដោយ៖
-អាមេរិក ប៉ះ កាណដា ម៉ោង៤ព្រឹក នៅកីឡដ្ឋាន Children’s Mercy Park, Kansas City
-Martinique ប៉ះហៃទី ម៉ោង៤ព្រឹក នៅកីឡដ្ឋាន Toyota Stadium, Frisco
គិតត្រឹមពេលនេះក្រុមដែលមានកៅអីសុវត្ថិភាពឡើងទៅជុំបន្តមាន៖
ពូល A៖អែលសាវ៉ាឌ័រ
ពូល B៖ កាណាដា និងសហរដ្ឋអាមេរិក
ពូល C៖ ចាម៉ៃកា
ពានរង្វាន់ 2021 CONCACAF Gold Cup រៀបចំឡើងពីថ្ងៃទី១០ ខែកក្កដា ដល់ថ្ងៃទី១ ខែសីហា ឆ្នាំ២០២១ នៅ១០កីឡដ្ឋាន ក្នុងចំណោម៩ទីក្រុងរបស់សហរដ្ឋអាមេរិក ដោយមានក្រុមចំនួន១៦ចូលរួម បែងចែកជា៤ពូល។ ក្រុមចំណាត់ថ្នាក់លេខ១និងលេខ២ក្នុងពូលមានឈ្មោះឡើងទៅប្រកួតវគ្គ៨ក្រុមចុងក្រោយ និងបន្តជម្រុះរហូតដល់វគ្គផ្ដាច់ព្រ័ត្រ។
ពានរង្វាន់ CONCACAF Gold Cup ជាការប្រកួតជើងឯកដែលមានក្រុមជម្រើសជាតិនៅទ្វីបអាមេរិកខាងជើង (បន្ថែមតំបន់អាមេរិកកណ្ដាល និងតំបន់ការ៉ាប៊ីន) ហើយរៀបចំនៅរាល់២ឆ្នាំម្តង ខណៈក្រុមជម្រើសជាតិម៉ិចស៊ីកូ ជាអ្នកឈ្នះជើងឯកបានច្រើនជាងគេគឺរហូតដល់១១លើកឯណោះ៕
