ក្នុងជំនួបប្រកួតពានរង្វាន់បាល់ទាត់នារី AFF U19 Women’s Championship 2023 នារាត្រីថ្ងៃទី០៥ កក្កដា ក្រុមជម្រើសជាតិនារីអាយុក្រោម១៩ឆ្នាំ ឥណ្ឌូនេស៊ី បានយកឈ្នះលើក្រុមជម្រើសជាតិនារីអាយុក្រោម១៩ឆ្នាំ ទីម័រខាងកើត ក្នុងលទ្ធផល ៧-០ នៅកីឡដ្ឋាន Gelora Sriwijaya ក្នុងទីក្រុង Palembang ប្រទេឥណ្ឌូនេស៊ី។
ដោយឡែកសម្រាប់ក្រុមជម្រើសជាតិនារីអាយុក្រោម១៩ឆ្នាំកម្ពុជា បានយកឈ្នះឡាវ ក្នុងលទ្ធផល ២-១ ជំនួបបើកឆាកថ្ងៃទី៥ កក្កដា ដែលក្រុមទាំង ៤ស្ថិតនៅក្នុងពូល A មានម្ចាស់ផ្ទះ ឥណ្ឌូនេស៊ី, ឡាវ និងទីម័រ ខាងកើត ខណ: ការប្រកួតបានចាប់ផ្តើមពីថ្ងៃទី៥ រហូតដល់ថ្ងៃទី១៥ ខែកក្កដា ឆ្នាំ២០២៣។
តារាងចំណាត់ថ្នាក់ពូល A បណ្ដោះអាសន្ន៖
- ក្រុមជម្រើសជាតិនារីអាយុក្រោម១៩ឆ្នាំ ឥណ្ឌូនេស៊ី ឈរកមពូលតារាង
- ក្រុមជម្រើសជាតិនារីអាយុក្រោម១៩ឆ្នាំកម្ពុជា លេខ២
- ក្រុមជម្រើសជាតិនារីអាយុក្រោម១៩ឆ្នាំ លេខ៣
- ក្រុមជម្រើសជាតិនារីអាយុក្រោម១៩ឆ្នាំ ទីម័រខាងកើត លេខ៤
ខណ:នៅថ្ងៃនេះ ក៏មានការប្រកួតចំនួន ២គូ ក្នុងពូល B និងពូល C មានដូចខាងក្រោម៖
- ពូល B៖ ក្រុមនារីសិង្ហបុរី ប៉ះ ក្រុមនារី វៀតណាម នៅកីឡដ្ឋាន Jakabaring Athletic Field វេលាម៉ោង ៣:៣០នាទីរសៀល
- ពូល C៖ ក្រុមនារី ហ្វីលីពីន ប៉ះ ក្រុមនារី ថៃ នៅកីឡដ្ឋាន Jakabaring Athletic Field វេលាម៉ោង ៧:៣០នាទីរសៀល
កាលវិភាគប្រកួតបន្ទាប់ ជម្រុះក្នុងពូល A៖
- ថ្ងៃទី០៧ កក្កដា៖ កម្ពុជា ប៉ះ ទីម័រខាងកើត នៅកីឡដ្ឋាន Gelora Sriwijaya វេលាម៉ោង ៣:៣០រសៀល
- ថ្ងៃទី០៧ កក្កដា៖ ឡាវ ប៉ះ ឥណ្ឌូនេស៊ី នៅកីឡដ្ឋាន Gelora Sriwijaya វេលាម៉ោង ៧:៣០នាទីយប់
- ថ្ងៃទី០៩ កក្កដា៖ កម្ពុជា ប៉ះ ឥណ្ឌូនេស៊ី នៅកីឡដ្ឋាន Gelora Sriwijaya វេលាម៉ោង ៧:៣០នាទីយប់
- ថ្ងៃទី០៩ កក្កដា៖ ឡាវ ប៉ះ ទីម័រខាងកើត នៅកីឡដ្ឋាន Jakabaring Athletic Field ៧:៣០នាទីយប់៕
