នៅថ្ងៃទី០៦ កក្កដានេះ សហព័ន្ធកីឡាហែលទឹកកម្ពុជា បានបង្ហាញសាអបអរសាទរ ដល់លោក នាង សូរិទ្ធិយ៉ា មន្រ្តីបច្ចេកទេសរបស់សហព័ន្ធខ្មែរកីឡាហែលទឹក ត្រូវបានអញ្ជើញឲ្យទៅចូលរួមជាមន្រ្តីបច្ចេកទេសអន្តរជាតិ (តំណាងទ្វីបអាស៊ី) ក្នុងព្រឹត្តិការណ៍នៃការប្រកួតកីឡាហែលទឹកជ្រើសរើសជើងឯក យុវជនពិភពលោក ឆ្នាំ២០២៣ (World Aquatics Junior Swimming Championships 2023)។
ព្រឹត្តិការណ៍នៃការប្រកួតកីឡាហែលទឹកជ្រើសរើសជើងឯក យុវជនពិភពលោក ឆ្នាំ២០២៣ (World Aquatics Junior Swimming Championships 2023) ធ្វើឡើងនៅក្នុងទីក្រុង ISR, Israel, Netanya ដែលនឹងប្រព្រឹត្តទៅចាប់ផ្តើមពីថ្ងៃទី០៤ ដល់ ០៩ ខែកញ្ញា ឆ្នាំ២០២៣។
គួរបញ្ជាក់ថា ការអញ្ជើញឲ្យទៅចូលរួមជាមន្រ្តីបច្ចេកទេសអន្តរជាតិ (តំណាងទ្វីបអាស៊ី) របស់លោក នាង សូរិទ្ធិយ៉ា កឺជាលើកទី១ ផងដែរ ដែលសហព័ន្ធខ្មែរកីឡាហែលទឹក មានមន្រ្តីបច្ចេកទេសអន្តរជាតិ ចូលរួមដឹកនាំកាត់សេចក្តីក្នុងការប្រកួតកីឡាហែលទឹកដ៏ធំមួយនេះ៕
