នៅថ្ងៃនេះក្រុមជម្រើសជាតិនារីអាយុក្រោម១៩ឆ្នាំ កម្ពុជា នឹងត្រូវជួបក្រុមជម្រើសជាតិនារីអាយុក្រោម ១៩ឆ្នាំ ទីម័រខាងកើត វេលាម៉ោង ៣:៣០នាទីរសៀល ខណ:ក្រុមនារីឥណ្ឌូនេស៊ី ជូបក្រុមនារីឡាវ ៧:៣០នាទីយប់ ក្នុងពានរង្វាន់បាល់ទាត់នារី AFF U19 Women’s Championship 2023 នៅកីឡដ្ឋាន Gelora Sriwijaya ក្នុងទីក្រុម Palembang ប្រទេឥណ្ឌូនេស៊ី។
សម្រាប់ប្រកួតទី១ ក្រុមនារីកម្ពុជា បានយកឈ្នះឡាវ ក្នុងលទ្ធផល ២-១ ជំនួបបើកឆាកថ្ងៃទី៥ កក្កដា ខណ:ក្រុមនារីឥណ្ឌូនេស៊ី បានយកឈ្នះលើក្រុមនារីទីម័រខាងកើត ក្នុងលទ្ធផល ៧-០ នៅកីឡដ្ឋាន Gelora Sriwijaya ក្នុងទីក្រុង Palembang ប្រទេឥណ្ឌូនេស៊ី កាលពីថ្ងៃទី០៥ កក្កដា។
ដោយឡែកសម្រាប់លទ្ធការប្រកួតនៅថ្ងៃទី០៦ កក្កដា មាន ២គូ ក្នុងពូល B ក្រុមនារីសិង្ហបុរី ០-៥ ក្រុមនារី វៀតណាម នៅកីឡដ្ឋាន Jakabaring Athletic Field។ ពូល C៖ ក្រុមនារី ហ្វីលីពីន ០-៦ ក្រុមនារី ថៃ នៅកីឡដ្ឋាន Jakabaring Athletic Field។
ក្រុមនារីកម្ពុជាស្ថិតនៅក្នុងពូល A មានម្ចាស់ផ្ទះ ឥណ្ឌូនេស៊ី, ឡាវ និងទីម័រ ខាងកើត ខណ: ការប្រកួតបានចាប់ផ្តើមពីថ្ងៃទី៥ រហូតដល់ថ្ងៃទី១៥ ខែកក្កដា ឆ្នាំ២០២៣។ កាលវិភាគប្រកួតបន្ទាប់ ជម្រុះក្នុងពូល A ដែលជាប្រកួតទី៣ របស់ក្រុមនារីកម្ពុជា នៅថ្ងៃទី០៩ កក្កដា នឹងជួបក្រុមនារីឥណ្ឌូនេស៊ី នៅកីឡដ្ឋាន Gelora Sriwijaya វេលាម៉ោង ៧:៣០នាទីយប់៕
