ក្រុមជម្រើសជាតិនារីអាយុក្រោម១៩ឆ្នាំ ឥណ្ឌូនេស៊ី ឈរកមពូលតារាង ពូល A បណ្ដោះអាសន្ន ក្រោយលេងបាន ២ប្រកួតកន្លងមក ក្រុមជម្រើសជាតិនារីអាយុក្រោម១៩ឆ្នាំកម្ពុជា លេខ២ ក្រុមនារីឡាវលេខ៣ និងក្រុមនារីទីម័រខាងកើត លេខ៤ ក្នុងពានរង្វាន់បាល់ទាត់នារី AFF U19 Women’s Championship 2023។
ដោយឡែកសម្រាប់ ២ប្រកួតក្រុមជម្រើសជាតិនារីអាយុក្រោម១៩ឆ្នាំកម្ពុជា កន្លងមក ប្រកួតទី១ ឈ្នះឡាវ ក្នុងលទ្ធផល ២-១ ជំនួបបើកឆាកនៅកីឡដ្ឋាន Gelora Sriwijaya ក្នុងទីក្រុង Palembang ប្រទេឥណ្ឌូនេស៊ី កាលពីថ្ងៃទី០៥ កក្កដា។ ប្រកួតទី២ បានបន្តយកឈ្នះទីម័រខាងកើត ក្នុងលទ្ធផល ១-០ នៅល្ងាចថ្ងៃទី៧ ខែកក្កដា ឆ្នាំ២០២៣ នៅកីឡដ្ឋាន Gelora Sriwijaya ក្នុងទីក្រុង Palembang ប្រទេឥណ្ឌូនេស៊ី។
ខណ:នៅថ្ងៃនេះ ក៏មានការប្រកួតចំនួន ២គូ ក្នុងពូល B និងពូល C មានដូចខាងក្រោម៖
- ពូល B៖ ក្រុមនារីម៉ាឡេស៊ី ប៉ះ ក្រុមនារី សិង្ហបុរី នៅកីឡដ្ឋាន Jakabaring Athletic Field វេលាម៉ោង ៣:៣០នាទីរសៀល
- ពូល C៖ ក្រុមនារីមីយ៉ាន់ម៉ា ប៉ះ ក្រុមនារី ហ្វីលីពីន នៅកីឡដ្ឋាន Jakabaring Athletic Field វេលាម៉ោង ៧:៣០នាទីរសៀល
សម្រាប់ការប្រកួតទី៣ របស់ក្រុមជម្រើសជាតិនារីអាយុក្រោម១៩ឆ្នាំ កម្ពុជា នឹងត្រូវជួបក្រុមនារីឥណ្ឌូនេស៊ី ថ្ងៃទី០៩ កក្កដា នៅកីឡដ្ឋាន Gelora Sriwijaya វេលាម៉ោង ៧:៣០នាទីយប់៕