ក្រុមជម្រើសជាតិនារីអាយុក្រោម១៩ឆ្នាំ កម្ពុជា នឹងត្រូវជួបក្រុមនារីឥណ្ឌូនេស៊ី ជម្រុះក្នុងពូល A ដែលជាប្រកួតទី៣ ក្នុងពានរង្វាន់បាល់ទាត់នារី AFF U19 Women’s Championship 2023 នាត្រីថ្ងៃ ទី០៩ កក្កដា នេះ នៅកីឡដ្ឋាន Gelora Sriwijaya វេលាម៉ោង ៧:៣០នាទីយប់។
ជំនួបប្រកួតបិទពូល រវាងក្រុមជម្រើសជាតិនារីកម្ពុជា ជាមួយម្ចាស់ផ្ទះ ឥណ្ឌូនេស៊ី ក្នុងពូល A មាន ០៤ក្រុម ដូចនេះលទ្ធផលការប្រកួតរបស់ក្រុមទាំង ០៣ ដែលប្រកួតជាមួយក្រុមលេខ ០៤ នឹងមិនត្រូវរាប់បញ្ចូលឡើយ។ ដូចនេះ កម្ពុជាត្រូវធ្វើការធ្ងន់ជាមួយឥណ្ឌូនេស៊ី នៅរាត្រីនេះ ដើម្បីដណ្តើមកៅអីកំពូលតារាង ឬយ៉ាងហោចណាស់ លេខ០២ ល្អដាច់គេ (ធៀបនឹងពូលផ្សេង)។
ខណ: ២ប្រកួត កន្លងមក ប្រកួតទី១ ឈ្នះឡាវ ក្នុងលទ្ធផល ២-១ ជំនួបបើកឆាកនៅកីឡដ្ឋាន Gelora Sriwijaya កាលពីថ្ងៃទី០៥ កក្កដា។ ប្រកួតទី២ បានបន្តយកឈ្នះទីម័រខាងកើត ក្នុងលទ្ធផល ១-០ នៅល្ងាចថ្ងៃទី៧ ខែកក្កដា ឆ្នាំ២០២៣ នៅកីឡដ្ឋាន Gelora Sriwijaya។
កម្មវិធីប្រកួតថ្ងៃនេះ មានការប្រកួតចំនួន ២គូ ក្នុងពូល A មានដូចខាងក្រោម៖
- ក្រុមនារីឥណ្ឌូនេស៊ី ប៉ះ ក្រុមនារី កម្ពុជា នៅកីឡដ្ឋាន Gelora Sriwijaya វេលាម៉ោង វេលាម៉ោង ៧:៣០នាទីរសៀល
- ក្រុមនារីឡាវ ប៉ះ ក្រុមនារី ទីម័រខាងកើត នៅកីឡដ្ឋាន Jakabaring Athletic Field វេលាម៉ោង ៧:៣០នាទីរសៀល
តារាងចំណាត់ថ្នាក់ ពូល A បណ្ដោះអាសន្ន ឥណ្ឌូនេស៊ី ឈរកំពូលតារាង មាន ៦ពិន្ទុ ក្រោយលេងបាន ២ប្រកួតកន្លងមក ក្រុមជម្រើសជាតិនារីអាយុក្រោម១៩ឆ្នាំកម្ពុជា លេខ២ មាន៦ពិន្ទុ ក្រុមនារីឡាវលេខ៣ មាន ០ពិន្ទុ និង ក្រុម នារី ទីម័រ ខាងកើត លេខ៤ មាន ០ពិន្ទុ៕