ក្រុមជម្រើសជាតិនារីអាយុក្រោម១៩ឆ្នាំ ឥណ្ឌូនេស៊ី បានកក់កៅអីវគ្គពាក់កណ្ដាលផ្ដាច់ព្រ័ត្ររួចរាល់បន្ទាប់ពីយកឈ្នះក្រុមនារី កម្ពុជា ក្នុងប្រកួតទី៣ ពូល A នៃពានរង្វាន់បាល់ទាត់នារី AFF U19 Women’s Championship 2023 នាត្រីថ្ងៃទី៩ កក្កដា នៅកីឡដ្ឋាន Gelora Sriwijaya។
ខណ: ថ្ងៃនេះក៏មានការប្រកួតបន្តបិទពូល B និងពូល C ដើម្បីដណ្តើមកៅអីកំពូលតារាង ឬយ៉ាងហោចណាស់ លេខ០២ ល្អដាច់គេ (ធៀបនឹងពូលផ្សេង) ឡើងទៅកាន់វគ្គពាក់កណ្ដាលផ្ដាច់ព្រ័ត្រ។ ដោយលេខ ១ពូល នឹងត្រូវជួបលេខ១ ពូល C វគ្គពាក់កណ្ដាលផ្ដាច់ ក្រុមលេខ ២ល្អ ត្រូវជួប លេខ១ ពូល A ការបវ្រកួតនឹងត្រូវធ្វើឡើងនៅថ្ងៃទី១៣ ខែកក្កដា ឆ្នាំ២០២៣។
ជំនួបប្រកួតនៅថ្ងៃច័ន្ទ ទី១០ កក្កដា ពូល B និងពូល C មាន៖
- ពូល B៖ ក្រុមនារីវៀតណាម ប៉ះ ក្រុមនារី ម៉ាឡេស៊ី នៅកីឡដ្ឋាន Jakabaring Athletic Field វេលាម៉ោង ៣:៣០នាទីរសៀល
- ពូល C៖ ក្រុមនារី ថៃ ប៉ះ ក្រុមនារី មីយ៉ាន់ម៉ា នៅកីឡដ្ឋាន Jakabaring Athletic Field វេលាម៉ោង ៧:៣០នាទីរសៀល
៣ប្រកួត កន្លងមករបស់ក្រុមនារីកម្ពុជា
- ប្រកួតទី១ ឈ្នះឡាវ ក្នុងលទ្ធផល ២-១ ជំនួបបើកឆាកនៅកីឡដ្ឋាន Gelora Sriwijaya កាលពីថ្ងៃទី០៥ កក្កដា
- ប្រកួតទី២ បានបន្តយកឈ្នះទីម័រខាងកើត ក្នុងលទ្ធផល ១-០ នៅល្ងាចថ្ងៃទី៧ ខែកក្កដា ឆ្នាំ២០២៣ នៅកីឡដ្ឋាន Gelora Sriwijaya
- ប្រកួតទី៣ ចាញ់ក្រុមនារី ឥណ្ឌូនេស៊ី ក្នុងលទ្ធផល ៥-០ នៅល្ងាចថ្ងៃទី៩ ខែកក្កដា ឆ្នាំ២០២៣ នៅកីឡដ្ឋាន Gelora Sriwijaya៕
