សហព័ន្ធកីឡាបាល់ទាត់អាស៊ី (AFC) បានប្រកាសពិន័យមនុស្ស១៤នាក់ និងថវិកាជិត២ម៉ឺនដុល្លារ បន្ទាប់ពីប៉ះទង្គិចគ្នាយ៉ាងខ្លាំង រវាងឥណ្ឌូនេស៊ី និងថៃ លើវិញ្ញាសាបាល់ទាត់បុរសនៃព្រឹត្តិការណ៍កីឡាស៊ីហ្គេមលើកទី៣២ ឆ្នាំ២០២៣ វគ្គផ្តាច់ព្រ័ត្រ នៅពហុកីឡដ្ឋានជាតិ រាជធានីភ្នំពេញ។
បញ្ជីនៃការផាកពិន័យមានដូចជា៖
-ឥណ្ឌូនេស៊ី៖ កីឡាករ ៣នាក់ + មន្ត្រីគ្រូបង្វឹក ៤នាក់
-ថៃ៖ កីឡាករ ២នាក់ + មន្ត្រីគ្រូបង្វឹក ៥នាក់។
បញ្ជីឈ្មោះបុគ្គលដែលត្រូវពិន័យ៖
កីឡាករឥណ្ឌូនេស៊ី៖
-Agung Bagus Fawwazi (ព្យួរ៦ប្រកួត + ពិន័យ 1000 ដុល្លារ)
-Komang Teguh (ព្យួរ៦ប្រកួត + ពិន័យ 1000 ដុល្លារ)
-Taufany Muslihuddin (ព្យួរ៦ប្រកួត)។
កីឡាករថៃ៖
-Soponwit Rakyart (ព្យួរ៦ប្រកួត +ពិន័យ 1000 ដុល្លារ)
-Chayapipat Supunpasuch (ព្យួរ៦ប្រកួត)។
មន្ត្រី និងគ្រូបង្វឹកឥណ្ឌូនេស៊ី៖
-Sahari Gultom (ព្យួរ៦ប្រកួត)
-Tegar Diokta (ព្យួរ៦ប្រកួត + ពិន័យ 1000 ដុល្លារ)
-Ahmad Nizar (ព្យួរ៦ប្រកួត + ពិន័យ 1000 ដុល្លារ)
-Toid Sarnadi (ព្យួរ៦ប្រកួត + ពិន័យ 1000 ដុល្លារ)។
មន្ត្រី និងគ្រូបង្វឹករបស់ប្រទេសថៃ៖
-Pattarawut Wongsriphuek (ព្យួរ៦ប្រកួត + ពិន័យ 1000 ដុល្លារ)
-Mayeid Mad-Adam (ព្យួរ៦ប្រកួត + ពិន័យ 1000 ដុល្លារ)
-Purachet Todsanit (ព្យួរ៦ប្រកួត)
-Thirapak Prueangna (ព្យួរ៦ប្រកួត)
-Bamrung Boonprom (ត្រូវផ្អាក៦ប្រកួត)។
ខណ:សមាគមបាល់ទាត់ថៃ ត្រូវបានសហព័ន្ធកីឡាបាល់ទាត់អាស៊ី (AFC) ពិន័យទឹកប្រាក់ ១០.០០០ដុល្លារ។
គួរបញ្ជាក់ថា ការប្រកួតដណ្តើមមេដាយមាស លើវិញ្ញាសាបាល់ទាត់បុរសនៃព្រឹត្តិការណ៍កីឡាស៊ីហ្គេមលើកទី៣២ ឆ្នាំ២០២៣ រវាងក្រុមបាល់ទាត់ជម្រើសជាតិអាយុក្រោម២២ឆ្នាំ ឥណ្ឌូណេស៊ី នឹងថៃ បានបញ្ចប់នៅឯពហុកីឡដ្ឋានជាតិ រាជធានីភ្នំពេញ ដោយឥណ្ឌូណេស៊ីជាម្ចាស់មេដាយមាស ក្រោយជ័យជម្នះក្នុងលទ្ធផល ៥-២ ជាមួយនឹងការប្រកួតដ៏ចម្រូងចម្រាស និងមានប៉ះទង្គិចគ្នាយ៉ាងខ្លាំងរវាងក្រុមគ្រូបង្វឹក និងកីឡាករនៃក្រុមទាំងសងខាង៕
