កម្មវិធីប្រកួតបាល់ទះជើងឯកកម្រិតទ្វីបអាស៊ី 2023 Asian Men’s Volleyball Challenge Cup បានរកឃើញក្រុមខ្លាំងចំនួន២ឡើងចាំវគ្គពាក់កណ្ដាលផ្ដាច់ព្រ័ត្រ ខណៈ៤ក្រុមទៀតត្រូវប្រកួតវគ្គ៨ក្រុមចុងក្រោយ ដោយក្នុងនោះក្រុម២របស់អាស៊ាន គឺថៃ និងឥណ្ឌូណេស៊ី ត្រូវប៉ះគ្នា។
លទ្ធផលវគ្គ១២ក្រុមចុងក្រោយនៅថ្ងៃទី១២ ខែកក្កដា ឆ្នាំ២០២៣ កន្លងទៅឃើញថា៖
គូទី១៖ តៃវ៉ាន់ ១-៣ វៀតណាម
គូទី២៖ ឥណ្ឌូណេស៊ី ៣-០ កាហ្សាក់ស្ថាន
គូទី៣៖ ហុងកុង ១-៣ ថៃ
គូទី៤៖ កូរ៉េខាងត្បូង ៣-០ ម៉ុងហ្គោលី
គូទី៥៖ ហ្វីលីពីន ០-៣ ប៉ារ៉ែន
គូទី៦៖ អូស្ត្រាលី ៣-០ ម៉ាកាវ
ដូច្នេះកម្មវិធីប្រកួតវគ្គ៨ក្រុមចុងក្រោយ (សល់តែ២គូ) នឹងធ្វើឡើងនៅថ្ងៃទី១៣ ខែកក្កដា ឆ្នាំ២០២៣ ដោយ៖
គូទី១៖ ថៃ ប៉ះ ឥណ្ឌូណេស៊ី
គូទី២៖ បារ៉ែន ប៉ះ អូស្ត្រាលី
តាមការកំណត់ឃើញថាក្រុមមាន២ក្រុមឡើងចាំវគ្គពាក់កណ្ដាលផ្ដាច់ព្រ័ត្រ ដែលនឹងប្រកួតនៅថ្ងៃទី១៤ខែកក្កដា គឺ៖
គូទី១៖ វៀតណាម ប៉ះ ថៃ/ឥណ្ឌូណេស៊ី
គូទី២៖ កូរ៉េខាងត្បូង ប៉ះ បារ៉ែន/អូស្ត្រាលី
សូមបញ្ជាក់ថាពានរង្វាន់ 2023 Asian Men’s Volleyball Challenge Cup នេះរៀបចំឡើងនៅកោះតៃវ៉ាន់ ពីថ្ងៃទី៨ ដល់១៥ខែកក្កដា ឆ្នាំ២០២៣ លើ២ទីលានផ្សេងគ្នា ខណៈក្រុមចូលរួមសល់១៥ក្រុម ក្រោយប៉ាគីស្ថាន និងអ៊ូបេគីស្ថាន ដកខ្លួន។
ដូច្នេះក្រុមដែលឈ្នះជើងឯកក្នុង 2023 Asian Men’s Volleyball Challenge Cup នេះនឹងតំណាងឱ្យទ្វីបអាស៊ី១កៅអីឡើងទៅប្រកួតពានរង្វាន់កម្រិតពិភពលោក 2023 FIVB Volleyball Men’s Challenger Cup ដែលធ្វើឡើងនៅប្រទេសកាតារ នាចុងខែកក្កដា ខាងមុខ ដែលមានក្រុមខ្លាំងៗចំនួន៧ ក្រុមកំពុងអង្គុយចាំ។
ក្រុមទាំង៨មាន ឈីលី ទុយនេស៊ី កាតារ (ម្ចាស់ផ្ទះ) កោះដូមីនីកា តួកគី អ៊ុយក្រែន និងចិន។ ក្រុមជើងឯកមានឈ្មោះឡើងទៅលេងពានរង្វាន់កម្រិតខ្ពស់ក្នុងលោក FIVB Volleyball Men’s Nations League ឆ្នាំ២០២៤ ខាងមុខ៕
