តារាកំប្លែង ពិធីករដ៏ល្បីលោក រ៉ូលីន បានធ្វើឱ្យមហាជនមានការភាន់ច្រឡំស្មានថាជាគ្រូ ហុងស៊ុយ ជនជាតិខ្មែរដែលកំពុងរស់នៅប្រទេសថៃ ដោយសារតែលោកបានបង្ហោះរូបថតពីរសន្លឹកនៅលើបណ្ដាញសង្គម តែរូបនោះគឺដូចទៅនឹងចៅម៉ែ (រហស្សនាម) គ្រូហុងស៊ុយរហូតមានអ្នកយករូបទៅកាត់តដាក់ផ្ទឹមទន្ទឹមគ្នា បើគ្រាន់តែមើលមួយភ្លែតពិបាកនឹងបែងចែកបានណាស់ថាម្នាក់ណាជាម្នាក់ណា។
រូបថតពីរសន្លឹកដែលកំពុងតែក្លាយជារូបភាព Viral ផ្ទុះកក្រើកបណ្ដាញសង្គម បន្ទាប់ពីរ៉ូលីន ពិធីករភេទទីបី បានតុបតែងខ្លួនជាមួយនឹងម៉ូដសក់ថ្មីប្លែក តែម៉ូដសក់ថ្មីនិងការតុបតែងខ្លួនរបស់រ៉ូលីន បែរជាទៅដូចនឹងគ្រូហុងស៊ុយនៅប្រទេសថៃដែលមានឈ្មោះថា វិមានរចនា ឬចៅម៉ែទៅវិញ។
សាមីខ្លួនបានបង្ហោះរូបថតរបស់ខ្លួនកាលពីព្រឹកថ្ងៃច័ន្ទទី១៩ ខែកក្កដា ឆ្នាំ២០២១ ដោយភ្ជាប់នូវសំណេរបែបកំប្លុកកំប្លែងថា៖ «គ្រាន់តែផុសរូបនេះហេីយមានអ្នកchatអោយខ្ញុំទៅមេីលហុងស៊ុយអោយ ហេតុអ្វី? មិនយល់ថេរ
»
គ្រាន់តែសំណេរនិងរូបថតរបស់រ៉ូលីន បានបង្ហោះចេញទៅភ្លាមក៏មានអ្នកលេងបណ្ដាញសង្គម មហាជន ក៏ដូចជាអ្នកគាំទ្ររបស់រ៉ូលីនបានចូលមកខមមិនថា តារាកំប្លែងរូបនេះពិតជាដូចចៅម៉ែណាស់ ថែមទាំងមានអ្នកខ្លះទៀតបានសរសើរថាស្អាត ក្រៅពីអ្នកចូលមកសរសើរហើយនោះ ក៏មានអ្នកខ្លះទៀតថែមទាំងយករូបថតរបស់រ៉ូលីនទៅកាត់ត ដាក់ផ្គូផ្គងជាមួយចៅម៉ែដើម្បីបញ្ជាក់ពីភាពដូចគ្នាប្រៀបដូចជាកូនភ្លោះរបស់អ្នកទាំងពីរនេះផងដែរ។
ចំពោះប្រិយមិត្តអ្នកអានត្រយងវិញ តើបែងចែកដាច់ទេថាម្នាក់ណារ៉ូលីន ចំណែកម្នាក់ណាជាគ្រូហុងស៊ុយនោះដែរ? សូមជួួយខមមិនប្រាប់ផង។
