សហព័ន្ធកីឡាអេឡិចត្រូនិកកម្ពុជា (EFC) បានឯកភាពអនុញ្ញាតឲ្យក្រុមហ៊ុន ED Entertainment រៀបចំការប្រកួតកីឡាអេឡិចត្រូនិក 2023 MPL-KH Autumn Split លើវិញ្ញាសា Mobile Legends: Bang Bang រដូវកាលទី៥។
ការប្រកួត Mobile Legends Professional League ឬហៅកាត់ថា MPL KH នឹងធ្វើការប្រកួតចាប់ផ្តើមប្រកួតចាប់ពីថ្ងៃ១២ សីហា ឆ្នាំ២០២៣ ដោយមានក្រុមខ្លាំងចំនួន៨ធ្វើការប្រកួតគ្នាដើម្បីដណ្តើមពាន MPL KH Season 5 នឹងដើម្បីធ្វើការកក់កៅអីទៅកាន់ការប្រកួត M5 ដែលនឹងចាប់ផ្តើមនៅដើមឆ្នាំ២០២៤ ខាងមុខ។
តាមកាលបរិច្ឆេទ និងទីតាំងការប្រកួតវគ្គជម្រុះ ចាប់ពីថ្ងៃទី១២ ខែសីហា ដល់ថ្ងៃទី២៤ ខែកញ្ញា ឆ្នាំ២០២៣ នៅ អាសយដ្ឋាន ផ្ទះលេខ១១២៦ ផ្លូវ១៨០០ សង្កាត់ច្រាំងចំរោះ២ ខណ្ឌឬស្សីកែវ។ ការប្រកួតវគ្គ Play off និងផ្ដាច់ព្រ័ត្រ : ចាប់ពីថ្ងៃទី៥-៨ ខែតុលា ឆ្នាំ២០២៣ នៅផ្សារទំនើប AEON MALL SEN SOK”។
សម្រាប់ MPL-KH Pro League រដូវកាលឆ្នាំ 2022 វិញ្ញាសា Mobile Legends: Bang Bang វគ្គ MPL-KH Autumn ក្រុម Burn X Flash គឺជាម្ចាស់ជ័យលាភី ហើយបន្ទាប់ពីធ្វើការប្រកួតវគ្គវិលជុំសន្សំពិន្ទុ និងវគ្គខ្វែងរកហូតដល់វគ្គផ្តាច់ព្រ័ត្រដែលបានបញ្ចប់។
គួរបញ្ជាក់ថា The Mobile Legends: Bang Bang Professional League – Cambodia (MPL-KH) គឺជាការប្រកួតលំដាប់កំពូលក្នុងវិញ្ញាសារ Mobile Legends: Bang Bang ដែលប្រមូលផ្តុំទៅដោយ កំពូលកីឡាករអាជីព និងទទួលបានគាំទ្រច្រើនជាងគេបំផុតក្នុងវិស័យកីឡាអេឡិចត្រូនិច្ចកម្ពុជា។
The Mobile Legends: Bang Bang Professional League – Cambodia (MPL-KH) ត្រូវបានដាក់ ដំណើរការដំបូងនៅក្នុងឆ្នាំ 2021 ដែលធ្វើឡើងជារៀងរាល់ឆ្នាំដោយបែងចែកជា 2 រដូវកាលគឺ Spring Split (ខែកុម្ភៈ ដល់ខែមេសា) និង Autumn Split (ខែសីហា ដល់ ខែតុលា)។
ការប្រកួត MPL-KH មានការចូលរួមពី ៨ក្រុមខ្លាំហើយបានប្រមូលផ្តុំទៅដោយកីឡាករអាជីពទាំងក្នុង និងកីឡាករអាជីពពីបរទេសចូលរួមជាច្រើន។ ការប្រកួតនឹងប្រព្រឹត្តិទៅដោយបែកចែកជាវគ្គសន្សំពិន្ទុ (Regular Season) និងវគ្គប្រកួតផ្តាច់ព្រ័ត្រ (Playoffs)៕