ក្រុមកីឡានារីរបស់ប្រទេសវៀតណាម ដែលជាសមាជិកតំណាងឱ្យតំបន់អាស៊ាន និងទ្វីបអាស៊ី ចំនួន២ក្រុមសុទ្ធតែត្រូវប្រកួតលើឆាកអន្តរជាតិដូចគ្នានៅថ្ងៃព្រហស្បតិ៍ ទី២៧ ខែកក្កដា ឆ្នាំ២០២៣ នេះ។
សម្រាប់ក្រុមបាល់ទះនារីរបស់វៀតណាម តំណាងឱ្យទ្វីបអាស៊ី ចូលរួមប្រកួតបាល់ទះពានរង្វាន់ 2023 FIVB Volleyball Women’s Challenger Cup ដែលត្រូវប្រកួតជាមួយក្រុមតំណាងទ្វីបនានា នៅទីក្រុង Laval ប្រទេសបារាំង ខណៈប្រកួតបើកឆាកក្រុមវៀតណាម នឹងជួបម្ចាស់ផ្ទះបារាំង នៅម៉ោង១០យប់ (ម៉ោងនៅកម្ពុជា) ស្វែងរកអ្នកឈ្នះឡើងទៅវគ្គពាក់កណ្ដាលផ្ដាច់ព្រ័ត្រ។
កម្មវិធីពានរង្វាន់ 2023 FIVB Volleyball Women’s Challenger Cup វគ្គ៨ក្រុមចុងក្រោយគឺ៖
ថ្ងៃទី២៧ កក្កដា ២០២៣
គូទី១៖ ម៉ោង១០យប់ បារាំង ប៉ះ វៀតណាម
គូទី២៖ ម៉ោង១:៣០នាទីរំលងអាធ្រាត្រ អ៊ុយក្រែន ប៉ះ ក្រូអាត
ថ្ងៃទី២៨ កក្កដា ២០២៣
គូទី៣៖ ម៉ោង១០យប់ ម៉ិចស៊ីកូ ប៉ះ ស៊ុយអែត
គូទី៣៖ ម៉ោង១:៣០នាទីរំលងអាធ្រាត្រ កូឡុំប៊ី ប៉ះ កេនយ៉ា
ការប្រកួតពីថ្ងៃទី២៧ ដល់៣០ ខែកក្កដា ដោយតម្រូវឱ្យក្រុមទាំង៨ ចាប់គូប្រកួតវគ្គ៨ក្រុមចុងក្រោយ ហើយបន្តឈានដល់វគ្គពាក់កណ្ដាលផ្ដាច់ព្រ័ត្រ និងចុងក្រោយរកក្រុមចូលដល់វគ្គផ្ដាច់ព្រ័ត្រ។ ក្រុមឈ្នះជើងឯកក្នុងពានរង្វាន់ នឹងកក់កៅអីចូលរួមប្រកួតក្នុងពានរង្វាន់ FIVB Volleyball Women’s Nations League នៅឆ្នាំក្រោយ។
ដោយឡែកក្រុមបាល់ទាត់នារីរបស់វៀតណាម វិញក៏តំណាងអោយទ្វីបអាស៊ី ចូលរួមប្រកួតបាល់ទាត់ជើងឯកពិភពលោក 2023 FIFA World Cup ដែលស្ថិតក្នុងពូល E ជាមួយអាមេរិក ហុល្លង់ និងព័រទុយហ្គាល់។ ប្រកួតបើកឆាកក្នុងពូលពីថ្ងៃទី២២ កក្កដា កន្លងទៅវៀតណាម ចាញ់អាមេរិក ៣-០ ខណៈនៅម៉ោង២:៣០នាទីរសៀលថ្ងៃទី២៧ខែកក្កដា ឆ្នាំ២០២៣ នេះ។
