បញ្ហាចម្រូងចម្រាសដ៏ក្ដៅគគុករបស់អតីតសមាជិក EXO លោក Kris Wu ពាក់ព័ន្ធនឹងការលួងលោម បញ្ឆោតនិងល្បួង ក្មេងស្រីៗមិនទន់ពេញវ័យតាមរយៈការផ្ដល់ឱកាសច្រៀង និង សម្ដែងនោះ នៅតែមិនទាន់បញ្ចប់នៅឡើយទេ ហើយនៅពេលនេះកាន់តែមានភាពតានតឹងខ្លាំងឡើង រហូតមានម្ចាស់ផលិតផល Brand ខ្លះកំពុងតែពិចារណាបញ្ចប់កុងត្រារបស់ខ្លួនជាមួយនឹងតារារូបនេះថែមទៀតផង។
សូមចុចអាន Kris Wu បដិសេធបញ្ឆោតក្មេងស្រី អនីតិជន ដោយប្រើប្រាស់ការសម្ដែង និង ច្រៀងជាធ្នាក់!
គ្រប់ការផុសរបស់ Du Meizhu ហាក់ដូចជាមានភស្ដុតាងហើយមើលទៅក៏ដូចជាការពិតណាស់ដែរ។ អ្នកខ្លះបានសួរសំនួរទៅកាន់អាជ្ញាធរពាក់ព័ន្ធបញ្ហានវ ហើយក៏មានអ្នកខ្លះទៀតជឿទៅលើអ្វីដែល Du Meizhu បានធ្វើការផុសផ្សព្វផ្សាយនិងបានគាំទ្រនាងថែមទៀតផង។ យ៉ាងណាមិញត្រលប់មកឆ្លើយតបពីភាគី Wu Yifan វិញ លោកបានធ្វើការច្រានចោលទាំងស្រុងទៅលើអ្វីដែល Du Meizhu បានធ្វើការចោទប្រកាន់លើលោកដោយលោកបានសរសេរថា៖ «ខ្ញុំមិនធ្វើការឆ្លើយតបមុននេះ ដោយសារតែខ្ញុំមិនចង់រំខាននិងជ្រៀតជ្រែកចំពោះដំណើរការស៊ើបអង្កេតរបស់តុលាការ។ មិនគួរឱ្យជឿនោះទេ ខ្ញុំសូមនិយាយថាមិនមានការជ្រើសរើសស្រីកំណាន់អ្វីទាំងអស់! ហើយក៏មិនមានការល្បួងលួងលោក ឬការចាប់រំលោភដែរ! គ្មានអ្នកណាជាអនីតិជន! បើសិនជាមានសកម្មភាពបែបនេះមែន ខ្ញុំសូមដើរចូលគុកដោយខ្លួនឯង ខ្ញុំទទួលខុសត្រូវចំពោះពាក្យរបស់ខ្លួនឯងក្រោមទំនួលខុសត្រូវច្បាប់»។
ជាមួយនឹងការបញ្ជាក់យ៉ាងដាច់អហង្ការរបស់តារាល្បីខាងលើបានធ្វើឱ្យមានមតិមួយចំនួននៅលើបណ្ដាញសង្គម Weibo របស់ចិនបានចាប់ផ្ដ់មជ្រើសរើសជឿជាក់លើលោក ខណៈនៅមានអ្នកខ្លះទៀតនៅតែគាំទ្រចំពោះ Influencer ដែលបានចោទប្រកាន់លោកដែលមានឈ្មោះថា Du Meizhu ដដែល។ យ៉ាងណាមិញចំពោះរឿងរ៉ាវដ៏ក្ដៅខាងលើនេះហាក់មានមហាជនភាគច្រើនបែរជាមិនជឿលើសម្ដីរបស់ Wu Yifan ហើយថែមទាំងស្ដីថាឱ្យលោកថែមទៀតផង។
កញ្ញា Du Mizhu ដែលបានអះអាងថាខ្លួនជាអតីតមិត្តស្រីរបស់ Kris Wu បានថែមទាំងបង្ហាញរូប Screenshot របស់លោកជាំមួយនឹង Xiao Gina ដែលធ្វើឱ្យរឿងអាស្រូវខាងលើកាន់តែរីកផ្ទុះធំឡើងហើយការចោទប្រកាន់ផ្សេងបានធ្លាក់ទៅលើតារាប្រុសរូបកាន់តែខ្លាំង។
ទោះជាយ៉ាងនេះក្ដីអ្នកណាខុស អ្នកណាត្រូវ អ្នកណាកុហក នៅមិនទាន់ដឹងច្បាស់នៅឡើយទេ មានតែរង់ចាំតាមដានជាបន្តទៀតថា តើ Wu Yifan ស្អាតស្អំ ឬក៏ដូចទៅនឹងពាក្យចោទប្រកាន់របស់ Du Meizhu មកលើរូបលោកមែន។
ប្រភព៖ Minnews