ពិធីការិនី សុភក្ត្រ កុសុម៉ា បានចែករំលែកវីដេអូបទចម្រៀងចាស់របស់ខ្លួននៅក្នុងផលិតកម្ម នាគមាស បែបលេងសើចនៅលើហ្វេសប៊ុកផេករបស់ខ្លួន យ៉ាងណាមិញវីដេអូបទចម្រៀងវ័យកុមារ របស់តារារូបនេះមានរូបភាព នាយព្រែក ឡោម លក្ខិណា និង លី ចាន់សីហា ដែលសុទ្ធតែនៅវ័យក្មេងដូចគ្នាដែរ ប៉ុន្តែរូបភាពវ័យក្មេងនោះបែរជាធ្វើឱ្យសាមីខ្លួនឃើញហើយគាំងនិងអស់សំណើចខ្លួនឯង។
វីដេអូបទចម្រៀងចាស់ដែលមានចំណងជើងថា «សុំលេងផង» ដែលច្រៀងដោយកញ្ញា សុភក្ត្រ កុសុម៉ា ត្រូវបានផេករបស់ផលិតកម្ម នាគមាស យកមកបង្ហោះឡើងវិញហើយក៏ត្រូវបាន កញ្ញា កុសុម៉ា ចែកចាយរំលែកបន្ត ព្រមទាំងពោលក្នុងសំណេររបស់ខ្លួនជាលក្ខណៈលេងសើចថា៖
«បទហ្នឹងហើយដែលមិនទាន់ចេញផង ផលិតកម្មបិទបាត់
នឹកណាស់កាលនៅពីក្មេង មិនគិតអ្វី អោយតែដល់ថ្ងៃថតដឹងតែសប្បាយចិត្តគេងមិនលក់
សំខាន់គេមានកំណត់ហេតុទៀត
MV កាល 2005»
ខណៈនាយព្រែក ជាអ្នកសម្ដែងនិងច្រៀងរួមជាមួយនឹងកញ្ញា សុភក្ត្រ កុសុម៉ា ក៏បានរៀបរាប់ចំណាប់អារម្មណ៍របស់ខ្លួនក្រោយឃើញរូបភាពរបស់លោកក្នុងវីដេអូបទចម្រៀងដែលបានចែកចាយបន្តដោយកញ្ញា សុភក្ត្រ កុសុម៉ា ដែរថា៖
«សុំផុសទុកជាអនុស្សវរីយ៌ហើយណា អរគុណដល់ផេក រស្មីនាគមាស ដែលបានយកវីដេអូដែលខ្ញុំមិនដែលបានឃើញជិត18ឆ្នាំហើយ មកបង្ហាញ …! រូបពិតសំលេងពិតណាបងប្អូន កុំខ្លាចអី 
#កុសុម:#លីច័ន្ចសីហា#ទ្បោមលក្ខណា»
ខណៈសំណព្វចិត្តនិងជានារីដែលត្រូវមហាជនផ្គូផ្គងរបស់នាយព្រែក កញ្ញា ឈិន មុន្នីនាថ ក៏មិនចូលមក Comment នៅខាងក្រោមផុសរបស់នាយព្រែកដែរថា៖
«Chhin Monineath Official · Followមិនសមធំឡើងបានរូបរាងប៉ុណ្ណឹងសោះពូ» ដោយសំណេរនេះត្រូវបាននាយព្រែកចូលមកឆ្លើយតបភ្លាមៗដែរថា «ស្ដាយក្រោយមែនដែលស្គាល់ពូ?» និង «នៅមានអាសាហាវៗជាងណឹងទៀត»។
វីដេអូចម្រៀងអនុស្សាវរីយ៍វ័យកុមារ របស់តារាល្បីៗដែលបច្ចុប្បន្ននេះបានធំពេញរូបរាង និងមានតារាមួយចំនួនដូចជា ឡោម លក្ខិណា និង លី ចាន់សីហា សុទ្ធតែក្លាយជាអ្នកម្ដាយគេអស់ទៅហើយនោះ បានទទួលការគាំទ្រយ៉ាងខ្លាំងពីសំណាក់ហ្វេនដោយមានហ្វេនជាចូលបានចូលមក Like , Share និង Comment យ៉ាងច្រើនទាំងនៅក្រោមសំណេររបស់នាយព្រែក និងនៅក្រោមសំណេររបស់កញ្ញា កុសុម៉ា៕
