ក្លិបបាល់ទាត់វិសាខា បានផ្តល់កាតចូលទស្សនាការប្រកួតក្នុងដីពេញ ១រដូវកាល (Seasonal Pass VIP) និងឯកសណ្ឋានរដូវកាលថ្មី ជូនដល់លោកតា អ៊ុំ សួន ដែលជាអ្នកគាំទ្រកីឡាជាតិដ៏ស្មោះស្ម័គ្រ និងជាគំរូដ៏ល្អសម្រាប់អ្នកគាំទ្រដទៃទៀត។
ក្រៅពីនេះសហព័ន្ធកីឡាបាល់ទាត់កម្ពុជា (FFC) ក៏បានប្រកាសនឹងប្រគល់ (ប័ណ្ណទស្សនាការប្រកួតពេញមួយជីវិត) ជូនលោកតា អ៊ុំ សួន។
តាមការជូនដំណឹងរបស់សហព័ន្ធ ថ្លែងថា៖«ប័ណ្ណនេះ នឹងមានអទិភាព អាចចូលទស្សនាគ្រប់ការប្រកួតទាំងអស់ដែលស្ថិតក្រោម ឬរៀបចំដោយសហព័ន្ធកីឡាបាល់ទាត់កម្ពុជា ទាំងការប្រកួតថ្នាក់ជាតិ និងអន្តរជាតិ នៅក្នុងទឹកដីព្រះរាជាណាក្រកម្ពុជា»។
គួរដឹងថាព្រឹទ្ធាចារ្យកីឡាដ៏សកម្មខាងលើ បច្ចុប្បន្នវ័យ ៨៧ឆ្នាំ ហើយបើនិយាយពីលោកតា សួន អ្នកគាំទ្របាល់ទាត់ច្បាស់ជាស្គាល់ ខណ:លោកតា បានសម្រេចក្ដីស្រមៃទស្សនាព្រឹត្តិការណ៍ស៊ីហ្គេម ជាលើកដំបូងក្នុងប្រវត្តិសាស្រ្តដែលកម្ពុជា ទទួលរៀបចំធ្វើជាម្ចាស់ផ្ទះ៕