ក្រុមជម្រើសជាតិកម្ពុជា អាយុក្រោម២៣ឆ្នាំ អស់ឱកាសឡើងទៅកាន់វគ្គពាក់កណ្តាលផ្តាច់ព្រ័ត្រ ក្រោយចាញ់ម្ចាស់ផ្ទះថៃ ក្នុងលទ្ធផល២ទល់០ នៅកីឡដ្ឋាន PTT Stadium ក្នុងខេត្ត Rayong ប្រទេសថៃ នៃពានរង្វាន់ AFF U23 Championship 2023 កាលពីយប់ថ្ងៃទី២១ ខែសីហា។
ដូច្នេះម្ចាស់ផ្ទះ U-23 ថៃ កក់កៅអីវគ្គកាន់វគ្គពាក់កណ្តាលផ្តាច់ព្រ័ត្រ នៃពានរង្វាន់ AFF U23 Championship 2023 មុនគេ ដោយឆ្លងកាត់៣ប្រកួត ឈ្នះ៣ប្រកួត មាន៩ពិន្ទុពេញ ឈរកំពូលតារាងពូល A។
ក្រោយចប់ការប្រកួត លោក Felix Dalmas គ្រូបង្វឹកក្រុមជម្រើសជាតិកម្ពុជាបាននិយាយថា៖«ចំណង់ចំណូលចិត្ត និងការខិតខំប្រឹងប្រែងដើម្បីប្រយុទ្ធប្រឆាំងទល់នឹងក្រុមខ្លាំងជាងពួកយើង ជម្រុញឲ្យយើងកាន់តែប្រសើរពីមួយប្រកួតទៅមួយប្រកួត»។
គ្រូជនជាតិអាហ្សង់ទីន បន្តទៀតថា៖«យើងនឹងធ្វើឱ្យកាន់តែល្អនៅពេលបន្ទាប់ ជាមួយអារម្មណ៍ស្រេកឃ្លានជ័យជម្នះ ព្រោះវាគ្រាន់តែជាការចាប់ផ្ដើមប៉ុណ្ណោះ»។
បច្ចុប្បន្នក្រុមលេខ២ល្អមាន៖
-ឥណ្ឌូនេស៊ី ដែលស្ថិតនៅពូល C មាន៣ពិន្ទុ អស់ការប្រកួត
-កម្ពុជា ពូល A មាន ១ពិន្ទុ អស់ការប្រកួត
-ហ្វីលីពីន ពូល B មាន១ពិន្ទុដូចគ្នា នៅសល់១ប្រកួតក្នុងដៃទល់នឹងវៀតណាម៕
តារាងចំណាត់ថ្នាក់ពូល A៖
កម្មវិធីប្រកួតពូល B និង C៖
