ពាក្យចាស់ពោលថាស្លឹកឈើជ្រុះមិនឆ្ងាយពីគល់ ពាក្យនេះពិតជាមិនខុសមែន ព្រោះ YouTuber វ័យក្មេង HENG កូនប្រុសលោកឌីជេស្ដី បានចាប់ដៃរួមគ្នាជាមួយនឹង YouTuber និង Content Creator ដ៏ល្បី Raven Blaze ចេញបទចម្រៀងចង្វាក់ HIPHOP បែបសប្បាយៗ «ឧបមាថា» ធ្វើឱ្យហ្វេនរាំនិងច្រៀងតាមគ្រប់គ្នា។
បទចម្រៀង «ឧបមាថា» ដែលជាបទបែប HIPHOP នេះទទួលបានការគាំទ្រច្រើនខ្លាំងពីសំណាក់ហ្វេនថាជាបទចម្រៀងមួយដែលមានការថតនិងផលិតយ៉ាងល្អ មានភាពទាក់ទាញ ជាពិសេស Raven Blaze ដែលល្បីតែលើ Reaction បទចម្រៀងរបស់តារាចម្រៀង ដល់ពេញចេញមកច្រៀងខ្លួនឯងបែបនេះ ពិតជាធ្វើបានយ៉ាងល្អមិនចាញ់អ្នកចម្រៀងអាជីពប៉ុន្មាននោះឡើយ។
HENG គឺជាកូនប្រុសលោក ឌីជេស្ដី តារាចម្រៀង HIPHOP ដែលធ្លាប់ច្រៀងរួមជាមួយនឹងតារាចម្រៀង ពេជ្រ សោភា ក្នុងបទចម្រៀង «Oh Better Day» ជាបទចម្រៀងដែលផ្ទុះបានការចាប់អារម្មណ៍និងល្បីល្បាញខ្លាំងរបសផលិតកម្មហង្សមាសនិងរស្មីហង្សមាស កាលពីជាង១០ឆ្នាំមុន។
ងាកមកបទ «ឧបមាថា» វិញ គិតត្រឹមថ្ងៃទី២២ ខែកក្កដា ឆ្នាំ២០២១ នេះចំនួន Views នៅលើផេក HENG មានចំនួន ២៩៩K ចំនួនចុច Like មាន ៣០K ព្រមទាំងខមមិនសរសេរយ៉ាងច្រើនក្នុងចំណោមខមមិនសរុប ៤៨៩ Comments ។
ចង់ដឹងថាបទចម្រៀង «ឧបមាថា» របស់ HENG Ft. RAVEN BLAZE ពីរោះប្លែកនិងគួរឱ្យចាប់អារម្មណ៍យ៉ាងណាទស្សនាវីដេអូខាងក្រោមនេះ៖
