ខណៈដែលកូនស្រីរបស់តារាជើងចាស់កំពុងពេញនិយម លោក សាវិន ហ្វីលីព ឆ្នាំនេះកាន់តែធំពេញរូបពេញរាងក្រមុំ លោកឪពុកដ៏សង្ហា ដែលពេលវេលាមិនអាចធ្វើឱ្យសម្រស់របស់លោកស្រកស្រុតបាននោះ បានពោលបង្ហាញពីក្ដីព្រួយបារម្ភពេលបណ្ដើរកូនស្រីខ្លួនចេញទៅខាងក្រៅ។
នៅថ្ងៃទី២២ ខែកក្កដា ឆ្នាំ២០២១ នេះ លោក សាវីន ហ្វីលីព បានបង្ហោះសំណេរខ្លីមួយនៅលើបណ្ដាញសង្គមតាមរយៈហ្វេសប៊ុកផេករបស់ខ្លួូនដែលបង្ហាញរបៀបលេងសើចថា «មើលឪកូនគេផង បើដើរទៅក្រៅតែពីរនាក់គេអាចច្រទ្បំថាស្រីក្មេងឪហើយមើលទៅ …»។
ពិតណាស់ប្រសិនបើលោកមិនចេញមកផុសដូច្នេះទេប្រាកដជាអាចនឹងមានការយល់ច្រឡំជាក់ជាមិនខាន ព្រោះទោះជាពេលនេះកូនៗរបស់លោកទាំងប្រុសទាំងស្រីធំទន្ទឹមនឹងខ្លួនក្ដី ប៉ុន្តែរូបសម្បត្តិរបស់លោកនៅតែក្មេងនិងសង្ហាមិនប្រែប្រួល ដូច្នេះមិនមែនជារឿងចម្លែកប៉ុន្មាននោះទេ ប្រសិនបើលោកបណ្ដើរកូនក្រមុំហើយមានអ្នកច្រឡំថាជាស្រីក្មេងរបស់លោកនោះ។
យ៉ាងណាមិញសំណេររបស់តារាសម្ដែងរូបនេះបានធ្វើឱ្យអ្នកគាំទ្រ មិត្តភក្ដិសិល្បករដូចជា នេន ទុំ បានចូលមកសរសើរថាបុរសសង្ហា ខណៈហ្វេនរបស់លោកមួយចំនួនទៀតលើកឡើងថា មិនច្រឡំថាជាស្រីក្មេង តែយល់ថាជាបងប្អូនទៅវិញព្រោះមុខមាត់ស្រដៀងគ្នា។