ការប្រកួតពានរង្វាន់បាល់ទាត់ជើងឯកយុវជនក្នុងតំបន់អាស៊ាន AFF U23 Championship 2023 ដែលប្រទេសថៃ ទទួលសិទ្ធរៀបចំធ្វើជាម្ចាស់ផ្ទះ បានរកឃើញក្រុមដែលត្រូវប៉ះគ្នានៅវគ្គផ្ដាច់ព្រ័ត្រហើយគឺ ក្រុមជម្រើសជាតិអាយុក្រោម ២៣ឆ្នាំ ឥណ្ឌូណេស៊ី ជួបជាមួយក្រុមជម្រើសជាតិអាយុក្រោម២៣ឆ្នាំវៀតណាម។
លទ្ធផលប្រកួតវគ្គពាកកណ្ដាលផ្ដាច់ព្រ័ត្រ ថ្ងៃទី២៤ សីហា ឆ្នាំ២០២៣ ម្សិលមិញ គឺក្រុមជម្រើសជាតិថៃ បានយកឈ្នះឥណ្ឌូណេស៊ី ៣-១ នៅកីឡដ្ឋាន Rayong Province។ ខណ: វៀតណាម បានយកឈ្នះ ម៉ាឡេស៊ី ៤-១ នៅកីឡដ្ឋាន Rayong Province។
ប្រកួតវគ្គផ្ដាច់ព្រ័ត្រ នឹងត្រូវធ្វើឡើងនៅថ្ងៃទី២៦ ខែសីហា៖ ឥណ្ឌូណេស៊ី ប៉ះ វៀតណាម នៅកីឡដ្ឋាន Rayong Province វេលាម៉ោង ៨:០០នាទីយប់។ ប្រកួតយកចំណាត់ថ្នាក់លេខ៣ នឹងត្រូវធ្វើឡើងនៅថ្ងៃទី២៦ ខែសីហា៖ ម៉ាឡេស៊ី ប៉ះថៃ នៅកីឡដ្ឋាន Rayong Province វេលាម៉ោង ៤:០០នាទីល្ងាច។
ពានរង្វាន់ AFF U23 Championship 2023 មាន១០ក្រុមចូលរួម បែងចែកជា ៣ពូល ខណ:ក្រុមយុវជនអាយុក្រោម ២៣ឆ្នាំកម្ពុជា ស្ថិតនៅក្នុងពូល A ជាមួយម្ចាស់ផ្ទះថៃ ប្រ៊ុយណេ និង មីយ៉ាន់ម៉ា តែបានធ្លាក់ត្រឹមវគ្គចែកពូល។ ការប្រកួតចាប់ផ្តើមពីថ្ងៃទី១៧ ខែសីហា រហូតដល់ថ្ងៃទី២៦ ខែសីហា ឆ្នាំ២០២៣ នៅប្រទេសថៃ។
គួរបញ្ជាក់ថា ពានរង្វាន់ជើងឯកយុវជនប្រចាំតំបន់អាស៊ាន AFF U23 Championship បង្តើតឡើងដំបូងនៅឆ្នាំ២០០៥ ដោយប្រទេសថៃបានគ្រងជើងឯក នៅលើទឹកដីខ្លួនឯង។ រហូតដល់ឆ្នាំ២០១១ ឥណ្ឌូណេស៊ី ធ្វើជាម្ចាស់ផ្ទះ តែត្រូវបានខកខាន ខណ:នៅឆ្នាំ២០១៩ កម្ពុជាធ្វើជាម្ចាស់ផ្ទះ ជើងឯកបានលើក្រុមជម្រើសជាតិឥណ្ឌូណេស៊ី និងឆ្នាំ២០២២ កម្ពុជាធ្វើជាម្ចាស់ផ្ទះជាលើកទី២ ជើងឯកបានលើក្រុមជម្រើសជាតិវៀតណាម៕
