រកឃើញក្រុមខ្លាំងទាំង ៤ដែលបានឡើងទៅកាន់វគ្គពាក់កណ្ដាលផ្ដាច់ព្រ័ត្ព្រឹត្តិការណ៍ប្រកួតបាល់ទះលំដាប់អន្តរជាតិផ្នែកនារី 2023 VTV International Women’s Volleyball Cup (VTV Cup ឆ្នាំ 2023) ដែលប្រទេសវៀតណាម បានរៀបចំធ្វើជាម្ចាស់ផ្ទះ ធ្វើនៅមជ្ឃមណ្ឌលហាត់ប្រាណ Lào Cai ក្នុងទីក្រុង Lào Cai ប្រទេសវៀតណាម។
បន្ទាប់ពីខកខានអស់រយ:ពេល ៣ឆ្នាំចាប់ពីឆ្នាំ២០២០ ដល់ឆ្នាំ២០២២ ដោយសារតែជំងឺរាតត្បាត កូវីដ១៩ ទូទាំងពិភពលោក។ ដោយនៅឆ្នាំ២០២៣ នេះត្រូវបានប្រទេសវៀតណាម រៀបចំធ្វើជាម្ចាស់ផ្ទះ ការប្រកួតបានចាប់ផ្ដើមពីថ្ងៃទី១៩ សីហា ដល់ថ្ងៃទី២៦ សីហា ឆ្នាំ២០២៣។
កម្មវិធីប្រកួតវគ្គពាកកណ្ដាលផ្ដាច់ព្រ័ត្រ (Semifinals) ថ្ងៃទី២៥ សីហា ដើម្បីឡើងទៅកាន់វគ្គផ្ដាច់ព្រ័ត្រ៖
- វៀតណាម ១ ប៉ះជប៉ុន (ក្រុម Kansai University of Social Welfare) វេលាម៉ោង ៥:០០នាទីល្ងាច
- វៀតណាម ២ ប៉ះហ្វីលីពីន (ក្រុម Choco Mucho Flying Titans) វេលាម៉ោង ៧:០០នាទីយប់
ខណ:ក្រុមដណ្ដើមយកលេខ៥ និងលេខ៦ កូរ៉េខាងត្បូង (ក្រុម Suwon City) ប៉ះអូស្រ្តាលី ថ្ងៃទី២៦ សីហា វេលាម៉ោង ៣:០០រសៀល។ នៅថ្ងៃទី២៦ សីហា ប្រកួតយកចំណាត់ថ្នាក់លេខ ៣និងលេខ៤ វេលាម៉ោង ៥:០០នាទីល្ងាច ប្រកួតវគ្គផ្ដាច់ព្រ័ត្រ វេលាម៉ោង ៧:នាទីយប់។
សូមរំលេកថា នេះគឺជាលើកទី១៧ ហើយដែលព្រឹត្តិការណ៍ប្រកួតបាល់ទះលំដាប់អន្តរជាតិផ្នែកនារី 2023 VTV International Women’s Volleyball Cup (VTV Cup ឆ្នាំ 2023) បានធ្វើឡើង។ ដោយនៅឆ្នាំនេះការប្រកួតមាន ៦ក្រុមចូលរួមមកពី ៥ប្រទេសមាន ម្ចាស់ផ្ទះវៀតណាម ២ក្រុម (Vietnam 1, Vietnam 2) ហ្វីលីពីន ១ក្រុម (Choco Mucho Flying Titans) ជប៉ុន ១ក្រុម ( Kansai University of Social Welfare) កូរ៉េខាងត្បូង ១ក្រុម (Suwon City) និងអូស្រ្តាលី ១ក្រុម។
ព្រឹត្តិការណ៍ VTV International Women’s Volleyball Cup គឺជាការប្រកួតបាល់ទះអន្តរជាតិសម្រាប់នារី ដែលត្រូវបានបង្កើតឡើងក្នុងឆ្នាំ២០០៤ ប្រារព្ធឡើងជារៀងរាល់ឆ្នាំ។ ខណ:វៀតណាម និងជប៉ុន ជាក្រុមដែលឈ្នះមេដាយមាស ច្រើនជាងគេចំនួន ៥លើក ចិន ចំនួន ៣លើក ថៃ ចំនួន ២លើក និងកូរ៉េខាងជើង ចំនួន ១លើក៕