ការប្រកួតពានរង្វាន់លីគកំពូលកម្ពុជា Cambodian Premier League បានឈានដល់ការប្រកួតសប្តាហ៍ទី៤ ហើយ ដោយនៅរសៀលថ្ងៃទី២៦ ខែសីហា ឆ្នាំ២០២៣ នេះក្រុមបាល់ទាត់អាយ អេស អាយ ដង្តោសែនជ័យ នឹងបើកទ្វារកីឡដ្ឋាន AIA KMH Park របស់ខ្លួនទទួលក្រុមភ្ញៀវ ព្រះខ័នរាជស្វាយរៀង ដែលការប្រកួតនឹងចាប់ផ្តើមម៉ោង ៦:០០ នាទីល្ងាចនេះ។
ខាងក្រោមនេះជាកម្មវិធីប្រកួតសប្តាហ៍ទី៤
តារាងចំណាត់ថ្នាក់គិតត្រឹមសប្តាហ៍ទី៣
បញ្ចប់ការប្រកួតសប្តាហ៍ទី៣ នៃពានរង្វាន់ Cambodian Premier League រដូវកាលឆ្នាំ២០២៣-២៤ ក្នុងចំណោម១៤ប្រកួតកន្លងមក អ្នកចាំទី វីរ: ដារ៉ា របស់ព្រះខ័នរាជស្វាយរៀង ដែលបានរក្សាសំណាញ់ទី (Clean Sheets) បាន ២លើកមុនគេ ក្នុងចំណោម ៧លើក។
បញ្ជីឈ្មោះអ្នកចាំទីរក្សា Clean Sheets ទាំង ៧លើក៖
- កីឡាករ វីរ: ដារ៉ា របស់ព្រះខ័នរាជស្វាយរៀង បានចំនួន ២លើក
- កីឡាករ ហ៊ុល គឹមហ៊ុយ របស់ វិសាខា បានចំនួន ១លើក
- កីឡាករ គង់ ចាន្ទវុទ្ធី របស់ ISI ដង្កោសែនជ័យ បានចំនួន ១លើក
- កីឡាករ សាំង ហាន់ឃុន របស់ព្រៃវែង បានចំនួន ១លើក
- កីឡាករ នុត ណាត របស់អង្គរថាយហ្គឺរ បានចំនួន ១លើក
- កីឡាករ កែវ សុខសិលា របស់វិសាខា បានចំនួន ១លើក
ព្រៃវែង, វិសាខា, បឹងកេត និងព្រះខ័នរាជស្វាយរៀង ហើយវិសាខា និងស្វាយរៀង គឺជាក្រុមដែលមិនទាន់ចាញ់សោះ ក្រោយឆ្លងកាត់៣ប្រកួត ឈ្នះទាំង៣ប្រកួតដូចគ្នា មាន៩ពិន្ទុក្នុងដៃ ខណៈ គិរីវង់សុខសែនជ័យ ៣ប្រកួត ចាញ់ ២ស្មើ១ មាន ១ពិន្ទុ នៅបាតតារាង ក្នុងសប្តាហ៍ទី៣នេះ។
សូមបញ្ជាក់ថា ពានរង្វាន់លីគកំពូលកម្ពុជា Cambodian Premier League រដូវកាល ២០២៣-២៤ មាន១០ក្រុមចូលរួម ដោយក្រុមទាំង១០ ប្រើប្រាស់រូបមន្តប្រកួតវិលជុំសន្សំពិន្ទុចំនួន៣ជុំ ដោយក្រុមលេខ១ដល់លេខ៤មានឈ្មោះឡើងទៅជុំបន្ត ខណៈការប្រកួតរដូវកាល ឆ្នាំ២០២៣-២០២៤ នេះនឹងដំណើរការដល់ខែឧសភា ឆ្នាំ២០២៤៕