ព្រ័ត្ព្រឹត្តិការណ៍ប្រកួតបាល់ទះលំដាប់អន្តរជាតិផ្នែកនារី 2023 VTV International Women’s Volleyball Cup (VTV Cup ឆ្នាំ 2023) ដែលប្រទេសវៀតណាម បានរៀបចំធ្វើជាម្ចាស់ផ្ទះ បានរកឃើញក្រុមដែលឡើងទៅកាន់វគ្គផ្ដាច់ព្រ័ត្រ គឺក្រុមវៀតណាម ១ ប៉ះវៀតណាម ២ ប្រកួតនៅល្ងាចនេះ វេលាម៉ោង ៧:០០នាទីយប់។
ខណ:ជប៉ុន (ក្រុម Kansai University of Social Welfare) ត្រូវប៉ះហ្វីលីពីន (ក្រុម Choco Mucho Flying Titans) ដណ្ដើមយកចំណាត់ថ្នាក់លេខ៣ ប្រកួតនៅថ្ងៃនេះ វេលាម៉ោង ៥:០០នាទីល្ងាច។ កាលប្រកួតធ្វើនៅមជ្ឃមណ្ឌលហាត់ប្រាណ Lào Cai ក្នុងទីក្រុង Lào Cai ប្រទេសវៀតណាម។
លទ្ធផលប្រកួតវគ្គពាកកណ្ដាលផ្ដាច់ព្រ័ត្រ (Semifinals) ថ្ងៃទី២៥ សីហា៖
- វៀតណាម A ៣-០ ជប៉ុន (ក្រុម Kansai University of Social Welfare)
- វៀតណាម B ៣-២ ហ្វីលីពីន (ក្រុម Choco Mucho Flying Titans)
រំលឹកថា បន្ទាប់ពីខកខានអស់រយ:ពេល ៣ឆ្នាំចាប់ពីឆ្នាំ២០២០ ដល់ឆ្នាំ២០២២ ដោយសារតែជំងឺរាតត្បាត កូវីដ១៩ ទូទាំងពិភពលោក។ ដោយនៅឆ្នាំ២០២៣ នេះត្រូវបានប្រទេសវៀតណាម រៀបចំធ្វើជាម្ចាស់ផ្ទះ ការប្រកួតបានចាប់ផ្ដើមពីថ្ងៃទី១៩ សីហា ដល់ថ្ងៃទី២៦ សីហា ឆ្នាំ២០២៣។
នេះគឺជាលើកទី១៧ ហើយដែលព្រឹត្តិការណ៍ប្រកួតបាល់ទះលំដាប់អន្តរជាតិផ្នែកនារី 2023 VTV International Women’s Volleyball Cup (VTV Cup ឆ្នាំ 2023) បានធ្វើឡើង។ ដោយនៅឆ្នាំនេះការប្រកួតមាន ៦ក្រុមចូលរួមមកពី ៥ប្រទេសមាន ម្ចាស់ផ្ទះវៀតណាម ២ក្រុម (Vietnam 1, Vietnam 2) ហ្វីលីពីន ១ក្រុម (Choco Mucho Flying Titans) ជប៉ុន ១ក្រុម ( Kansai University of Social Welfare) កូរ៉េខាងត្បូង ១ក្រុម (Suwon City) និងអូស្រ្តាលី ១ក្រុម។
ព្រឹត្តិការណ៍ VTV International Women’s Volleyball Cup គឺជាការប្រកួតបាល់ទះអន្តរជាតិសម្រាប់នារី ដែលត្រូវបានបង្កើតឡើងក្នុងឆ្នាំ២០០៤ ប្រារព្ធឡើងជារៀងរាល់ឆ្នាំ។ ខណ:វៀតណាម និងជប៉ុន ជាក្រុមដែលឈ្នះមេដាយមាស ច្រើនជាងគេចំនួន ៥លើក ចិន ចំនួន ៣លើក ថៃ ចំនួន ២លើក និងកូរ៉េខាងជើង ចំនួន ១លើក៕
