សប្តាហ៍ទី៤ ពានរង្វាន់លីគកំពូលកម្ពុជា Cambodian Premier League បានឈានដល់ការប្រកួត ហើយ ដោយនៅរសៀលថ្ងៃទី២៦ ខែសីហា អាយ អេស អាយ ដង្តោសែនជ័យ នឹងបើកទ្វារកីឡដ្ឋាន AIA KMH Park របស់ខ្លួនទទួលក្រុមភ្ញៀវ ព្រះខ័នរាជស្វាយរៀង ដែលការប្រកួតនឹងចាប់ផ្តើមម៉ោង ៦:០០ នាទីល្ងាចនេះ។
មុនចាប់ផ្ដើមប្រកួតនៅល្ងាចនេះមកចាប់អារម្មណ៍កំណត់ត្រាសំខាន់ៗមួយចំនួនកើនឡើងនៅសប្ដាហ៍ទី៣៖
- វិសាខា ជាក្រុមឈរកំពូលតារាង ឆ្លងកាត់ ៣ប្រកួត ឈ្នះ៣ ស៊ុតចូលទីកូប្រកួត ១០គ្រាប់ គេស៊ុតចូលវិញ ១គ្រាប់ មាន ៩ពិន្ទុពេញ
- ភ្នំពេញក្រោន គឺជាក្រុមដែលទទួលបានកាតពិន័យច្រើនជាគេ ចំនួន ៨កាត ក្នុងនោះក្រហម១ ក្នុងចំណោមកាតសរុប ៥២កាល
- ឆេង ម៉េង របស់វិសាខា ទទួលបានកាតពិន័យច្រើនជាងគេ ចំនួន ៣កាត ក្រហម១ ក្នុងចំណោមកាតសរុប ៥២កាល
- គិរីវង់សុខសែនជ័យ ជាក្រុមដែលទាត់បាល់ជ្រុងច្រើនជាងគេ ចំនួន ១៨លើក ក្នុងចំណោម បាល់ជ្រុងសរុប ១៤៣លើក ទាំង១៤ប្រកួតកន្លងមក
- ក្រុមចំនួន ៤ទាត់ចូលទីគ្រប់ការប្រកួតមាន ព្រៃវែង សរុប១០គ្រាប់ វិសាខា របស់ ១០គ្រាប់ បឹងកេត សរុប ៦គ្រាប់ និងព្រះខ័នរាជស្វាយរៀង សរុប ៥គ្រាប់
- កីឡាករ MARCUS WARREN HABER របស់ព្រះខ័នរាជស្វាយរៀង រកគ្រាប់បាល់បានច្រើនជាងគេ ចំនួន ៥គ្រាប់ និងជាប់ Man Of The Matchបាន ៣លើកមុនគេ
- អ្នកចាំទី វីរ: ដារ៉ា របស់ព្រះខ័នរាជស្វាយរៀង ដែលបានរក្សាសំណាញ់ទី (Clean Sheets) បាន ២លើកមុនគេ ក្នុងចំណោម ៧លើក
- អ្នកគាំទ្រជិត ៣ម៉ឺននាក់ ( ២ ៤៧៣៥នាក់) ចូលទស្សនាការប្រកួតនៅ CPL កីឡដ្ឋានទាំង ១០នៅលីគកំពូលកម្ពុជា ក្នុងចំណោម១៤ប្រកួត គិតត្រឹមសប្តាហ៍ទី៣
- លោក ឃួន វីរៈ គឺជាអាជ្ញាកណ្តាលដែលចាយកាតច្រើនជាងគេ ពោលគឺ ១៨សន្លឹក ម្នាក់ឯងក្នុងនោះមានកាតក្រហម ១សន្លឹក
- វិសាខា និងស្វាយរៀង គឺជាក្រុមដែលមិនទាន់ចាញ់សោះ ក្រោយឆ្លងកាត់៣ប្រកួត ឈ្នះទាំង៣ប្រកួតដូចគ្នា មាន៩ពិន្ទុក្នុងដៃ
- គិរីវង់សុខសែនជ័យ ៣ប្រកួត ចាញ់ ២ស្មើ១ មាន ១ពិន្ទុ នៅបាតតារាង ក្នុងសប្តាហ៍ទី៣
- សម្រាប់ការប្រកួតនៅថ្ងៃទី២៦-២៧ ខែសីហា ឆ្នាំ២០២៣ សប្ដាហ៍ទី៤ នេះវិញ មានចំនួន ៥គូធ្វើការប្រកួតប្រជែងបន្តដូចខាងក្រោម៖
កម្មវិធីប្រកួតសប្ដាហ៍ទី៤៖
-ថ្ងៃទី២៦ សីហា៖ អាយ អេស អាយ ដង្កោសែនជ័យ ប៉ះព្រះខ័នរាជ ស្វាយរៀង ហ្វូតបល ក្លិប នៅកីឡដ្ឋាន អេអាយអេ ខេអឹមអេចផាក
-ថ្ងៃទី២៧ សីហា៖ អង្គរថាយហ្គឺរ ប៉ះកងយោធពលខេមរភូមិន្ទ នៅកីឡដ្ឋាន ហនុមាន
-ថ្ងៃទី២៧ សីហា៖ គិរីវង់សុខសែនជ័យ ប៉ះព្រៃវែង នៅកីឡដ្ឋាន គិរីវង់
-ថ្ងៃទី២៧ សីហា៖ ណាហ្គាវើលដ៍ ប៉ះភ្នំពេញក្រោន កីឡាដ្ឋាន កំពង់ស្ពឺ
-ថ្ងៃទី២៧ សីហា៖ បឹងកេត ប៉ះវិសាខា នៅពហុកីឡដ្ឋានជាតិ អូឡាំពិក
សូមបញ្ជាក់ថា ពានរង្វាន់លីគកំពូលកម្ពុជា Cambodian Premier League រដូវកាល ២០២៣-២៤ មាន១០ក្រុមចូលរួម ដោយក្រុមទាំង១០ ប្រើប្រាស់រូបមន្តប្រកួតវិលជុំសន្សំពិន្ទុចំនួន៣ជុំ ដោយក្រុមលេខ១ដល់លេខ៤មានឈ្មោះឡើងទៅជុំបន្ត ខណៈការប្រកួតរដូវកាល ឆ្នាំ២០២៣-២០២៤ នេះនឹងដំណើរការដល់ខែឧសភា ឆ្នាំ២០២៤៕
