ពានរង្វាន់លីគកំពូលកម្ពុជា Cambodian Premier League បានឈានដល់ការប្រកួត សប្ដាហ៍ទី៤ហើយ ដោយ ស្វាយរៀង ឈ្នះ ISI ដង្កោសែនជ័យ, កងយោធពលខេមរភូមិន្ទ ឈ្នះអង្គរថាយហ្គឺរ, ព្រៃវែង ឈ្នះគិរីវង់សុខសែនជ័យ, ភ្នំពេញក្រោន ឈ្នះណាហ្គាវើលដ៍, បឹងកេត ឈ្នះវិសាខា និងមានគ្រាប់បាល់ស៊ុតបញ្ជូលទីគ្នាទៅវិញទៅមកចំនួន ២០គ្រាប់។
ខាងក្រោមនេះជាលទ្ធផលប្រកួតថ្ងៃទី២៧ ខែសីហា សប្ដាហ៍ទី៤៖
-អង្គរថាយហ្គឺរ ០-៣ កងយោធពលខេមរភូមិន្ទ នៅកីឡដ្ឋាន ហនុមាន
-គិរីវង់សុខសែនជ័យ ១-២ ព្រៃវែង នៅកីឡដ្ឋានគិរីវង់
-ណាហ្គាវើលដ៍ ២-៣ ភ្នំពេញក្រោន កីឡាដ្ឋានកំពង់ស្ពឺ
-បឹងកេត ៤-២ វិសាខា នៅពហុកីឡដ្ឋានជាតិអូឡាំពិក
សម្រាប់ លទ្ធផលថ្ងៃទី២៦ ខែសីហា សប្ដាហ៍ទី៤៖ ម្ចាស់ផ្ទះអាយ អេស អាយ ដង្តោសែនជ័យ បន្តចាញ់ក្រុមភ្ញៀវ ព្រះខ័នរាជស្វាយរៀងហ្វូតបលក្លិប ក្នុងលទ្ធផល ២-១ នៅកីឡដ្ឋាន AIA Stadium, KMH Park។ នាយប់ថ្ងៃទី២៦ ខែសីហា។
សូមបញ្ជាក់ថា ពានរង្វាន់លីគកំពូលកម្ពុជា Cambodian Premier League រដូវកាល ២០២៣-២៤ មាន១០ក្រុមចូលរួម ដោយក្រុមទាំង១០ ប្រើប្រាស់រូបមន្តប្រកួតវិលជុំសន្សំពិន្ទុចំនួន៣ជុំ ដោយក្រុមលេខ១ដល់លេខ៤មានឈ្មោះឡើងទៅជុំបន្ត ខណៈការប្រកួតរដូវកាល ឆ្នាំ២០២៣-២០២៤ នេះនឹងដំណើរការដល់ខែឧសភា ឆ្នាំ២០២៤៕