ក្រុមបាល់ទាត់នារីស៊ុយអែត ឈរនៅលេខ១ ក្នុងតារាងចំណាត់ថ្នាក់ពិភពលោក FIFA Ranking តាមពីក្រោយដោយ ក្រុមនារីអេស្បាញ អាមេរិក និងអាល្លឺម៉ង។ នេះបើយោងតាមគេហទំព័ររបស់សហព័ន្ធបាល់ទាត់អន្តជាតិ FIFA អាប់ដេតចុងក្រោយ នៅថ្ងៃទី២៥ ខែសីហា ឆ្នាំ២០២៣។
ដោយឡែកសម្រាប់តារាងចំណាត់ថ្នាក់នារីក្នុងតំបន់អាស៊ី វិញឃើញថា ក្រុមជម្រើសជាតិនារីជប៉ុនឈរនៅលេខ១ អូស្រ្តាលី លេខ២ និងចិន ឈរលេខ៣ ខណៈកម្ពុជា ឈរនៅឆ្ងាយបន្តិចគឺ លេខ២២ ក្នុងតំបន់អាស៊ី និងលេខ១១៨ ក្នុងតារាងចំណាត់ថ្នាក់ពិភពលោក FIFA Ranking ក្នុងចំណោម ១៨៦ប្រទេស។
FIFA បានគិតពិន្ទុ សម្រាប់ក្រុមបាល់ទាត់នីមួយៗ ទៅតាមលក្ខណវិនិច្ឆ័យ ដូចជា លទ្ធផលនៃការប្រកួតរបស់ជម្រើសជាតិនារីឈុតធំ, លទ្ធផលប្រកួតក្នុងដី, ក្រៅដី និងទឹកដីកណ្ដាល, ភាពផ្សេងគ្នារបស់គ្រាប់បាល់ និងគ្រាប់បាល់ដែលរកបាន រួមជាមួយលក្ខណៈពិសេសផ្សេងទៀត។ តារាងចំណាត់ថ្នាក់នេះ៕
