កីឡាករ DE OLIVEIRA BASTOS JONATA របស់វិសាខា និង MARCUS WARREN HABER របស់ព្រះខ័នរាជស្វាយរៀង គឺជាកីឡាករដែលជាប់ក្នុងតំណែងរកគ្រាប់បាល់បានគ្រប់ការប្រកួត ដោយឆ្លងកាត់៤ប្រកួតដូចគ្នាកន្លងមក បញ្ចប់សប្ដាហ៍ទី៤ នៃពានរង្វាន់ Cambodian Premier League រដូវកាលឆ្នាំ២០២៣-២៤។
គ្រាប់បាល់រកបានដោយកីឡាករ MARCUS WARREN HABER របស់ព្រះខ័នរាជស្វាយរៀងហ្វូតបលក្លិប ក្រោមការដឹកនាំរបស់លោក Pep Muñoz សញ្ជាតិអេស្បាញ ឆ្លងកាត់ ៤ប្រកួតកន្លងមក ឈ្នះទាំង៤ប្រកួត បច្ចុប្បន្ន ឈរកំពូលរាតាងបណ្ដុះអាសន្ន មាន១២ ពិន្ទុ។
-ឈ្នះភ្នំពេញក្រោន ២-១ (រកបាន២គ្រាប់នាទី៤៨ និង ៩០+៣)
-ឈ្នះកងយោធពលខេមរភូមិន្ទ ២-០ (រកបាន២គ្រាប់នាទី៦និង១៣)
-ឈ្នះណាហ្គាវើលដ៍ ១-០ (រកបាន ១គ្រាប់នាទី៨០)
-ឈ្នះ ISI ដង្កោសែនជ័យ ២-១ (រកបាន១គ្រាប់នាទី៨៨)
Marcus Haber ក៏ជាទទួលបាន Man Of The Match ចំនួន ៣ដងម្នាក់ឯង។
គ្រាប់បាល់រកបានដោយកីឡាករ DE OLIVEIRA BASTOS JONATA របស់ក្លិបបាល់ទាត់វិសាខា ក្រោមការដឹកនាំរបស់លោក Simon McMenemy សញ្ជាតិស្កុតឡេន ឆ្លងកាត់ ៤ប្រកួតកន្លងមកឈ្នះ ៣ប្រកួត ចាញ់១ បច្ចុប្បន្នវិសាខា ឈរចំណាត់ថ្នាក់២ មាន ៩ពិន្ទុ។
-ឈ្នះគិរីវង់សុខសែនជ័យ ២-០ (រកបាន១គ្រាប់ទាត់បាល់ពិន័យ១១ម៉ែត្រ នាទី៣៥)
-ឈ្នះណាហ្គាវើលដ៍ ៤-១ (រកបាន១គ្រាប់នាទី២០)
-ឈ្នះ ISI ដង្កោសែនជ័យ ៤-០ (រកបាន ២គ្រាប់នាទី៣២ និងបាល់ពិន័យ១១ម៉ែត្រនាតី៦៩)
-ចាញ់បឹងកេត ៤-២ (ទាត់បាល់ពិន័យ១១ម៉ែត្រ នាទី៣០)
សូមបញ្ជាក់ថា ពានរង្វាន់លីគកំពូលកម្ពុជា Cambodian Premier League រដូវកាល ២០២៣-២៤ មាន១០ក្រុមចូលរួម ដោយក្រុមទាំង១០ ប្រើប្រាស់រូបមន្តប្រកួតវិលជុំសន្សំពិន្ទុចំនួន៣ជុំ ដោយក្រុមលេខ១ដល់លេខ៤មានឈ្មោះឡើងទៅជុំបន្ត ខណៈការប្រកួតរដូវកាល ឆ្នាំ២០២៣-២០២៤ នេះនឹងដំណើរការដល់ខែឧសភា ឆ្នាំ២០២៤៕
លទ្ធផលប្រកួតសប្ដាហ៍ទី៤៖
តារាងចំណាត់ថ្នាក់បណ្ដុះអាសន្ន សប្ដាហ៍ទី៤៖