សិល្បៈជាតិ៖ បើគ្រាន់តែក្រឡេកមួយភ្នែក នៅក្នុងវីដេអូខ្លីមួយដែលមានរយៈពេលមិនដល់៣០វិនាទី បង្ហោះដោយគណនី harayuth23 នៅលើបណ្ដាញសង្គម Tiktok កាលពីពេលថ្មីៗនេះ កំពុងតែផ្ទុះការចាប់អារម្មណ៍ជាខ្លាំងព្រោះតែឃើញមានវត្តមានកំពូលតារាចម្រៀង Rapper ដ៏ពេញនិយមពីរដួងរបស់កម្ពុជាគឺ វណ្ណដា និង G-Devith ចូលរួមសម្ដែងរួម។
ជាការពិតណាស់រូបភាពនេះគឺជាអ្វីដែលអ្នកគាំទ្រប្រាថ្នាចង់ឃើញ ព្រោះបុរសដ៏មានឥទ្ធិពលក្នុងវិស័យចម្រៀងរ៉ែបទាំងពីរនេះដួងនេះ ទទួលបានការស្រលាញ់ និង គាំទ្រច្រើននៅក្នុងចង្កោមយុវវ័យ។ ប៉ុន្តែបើពិនិត្យឱ្យលម្អិត អ្នកដែលសម្ដែងបទចម្រៀង «ង» របស់ Jah Deth មិនមែនជា វណ្ណដា និង G-Devith នោះឡើយ តែជា G-Devith កូពី និង វណ្ណដា កូពី ប៉ុណ្ណោះ។ សូម្បីតែអ្នកលេងបណ្ដាញសង្គមដែលបានឃើញវីដេអូនេះ ម្នាក់ៗសុទ្ធតែទទួលស្គាល់ថា ក្រឡេកតែមួយភ្នែកច្បាស់ជាច្រឡំ ប៉ុន្តែមើលយូរៗទៅទើបដឹងថាមិនមែន។
យ៉ាងណាមិញបើសង្កេតមើលទៅលើអ្នកលេងបណ្ដាញសង្គម ម្នាក់ៗសង្ឃឹមថានឹងបានឃើញរូបភាពបែបនេះពិតៗ មិនមែនជាគ្រាន់តែជារូបភាពស្រមើស្រមៃ ឬរូបភាពដែលតារាកូពីទាំងពីរដួងសម្ដែង ព្រោះគេយល់ឃើញថា Style Music និងបែបផែននៃការច្រៀង Rap របស់តារាទាំងពីរដួងនេះមានភាពផ្ទុយគ្នាស្រឡះ ប្រសិនបើអាចចាប់មក Collaborate គ្នាបាននោះប្រាកដជាបង្កើតបាននូវរសជាតិតន្ត្រីដ៏ប្លែកថ្មីនិងអស្ចារ្យជាទីបំផុតជាក់ជាមិនខាន។
គួរដឹងថា G-Devith កូពី និង វណ្ណដា កូពី ធ្លាប់ធ្វើឱ្យមានការចាប់អារម្មណ៍យ៉ាងខ្លាំងម្ដងរួចហើយកាលពីពេលកន្លងមក ហើយអ្នកទាំងពីរនេះក៏ទទួលបានការចាប់អារម្មណ៍ពីសំណាក់សាធារណជនដោយសារតែមានលក្ខណៈ មុខមាត់រូបរាងនិងការតុបតែងខ្លួនស្រដៀងទៅនឹងអាយដលលំដាប់ប្រទេសទាំងពីរដួងខាងលើនេះដែរ៕
ទស្សនាវីដេអូទាំងស្រុងខាងក្រោមនេះ៖
