ភ្នំពេញក្រោន នឹងត្រូវជួបជាមួយកងយោធពលខេមរភូមិន្ទ ពានរង្វាន់លីគកំពូលកម្ពុជា Cambodian Premier League រដូវកាល ២០២៣-២៤ ប្រកួតសប្ដាហ៍ទី៣ វេលាម៉ោង ៦:០០នាទីល្ងាច នៅកីឡដ្ឋាន ស្មាត អ.អេស.អិន។
ក្រុមទាំង២ទើបបានប្រកួតសម្រាប់សប្ដាហ៍ទី៣ នេះដែរ ដោយសារក្រុមភ្នំពេញក្រោន មានភារកិច្ចត្រូវប្រកួតក្នុងពានរង្វាន់ AFC Cup នៅប្រទេសសិង្ហបុរី កាលពីថ្ងៃទី២៣ សីហា ជាហេតុនាំ ឱ្យក្លិបបាល់ទាត់កងយកងយោធពលខេមរភូមិន្ទ ត្រូវសម្រាកដូចគ្នា នៅក្នុងសប្តាហ៍ទី៣។
គ្រូបង្វឹកភ្នំពេញក្រោន លោក Oleg Starynskyi និយាយថា៖ «សមាគមកីឡាបាល់ទាត់ ខ.ភ.ម គឺជាក្រុមដែលល្អ ជាក្រុមដែលខ្លាំង ពួកគេមានការប្រកួតប្រជែងខ្ពស់ សម្រាប់ឆ្នាំនេះពួកគេមានក្រុមមួយដែលថ្មី បើយើងប្រៀបធៀបជាមួយរដូវកាលមុន និងការប្រកួតលីគខាប់ ពួកគេកំពុងតែស្វែងរកទម្រង់លេងរបស់ខ្លួន ពួកគេធ្វើមិនបានល្អក្នុងការប្រកួតដំបូង តែការប្រកួតបន្តបន្ទាប់ធ្វើបានល្អ»។
ដោយឡែកសម្រាប់លោក ភា សុភ័ត្ត្រា គ្រូបង្គោលTiffy Army FC បាននិយាយថា៖ «ខ្ញុំពិតជាមានមោទនភាព ដែលបានជួបក្រុមខ្លាំងដូចជាភ្នំពេញក្រោន ដែលបានឆ្លងទៅដល់វគ្គចែកពូលនៃពានរង្វាន់ AFC Cup ងាកមកក្រុមទាំងហាក់មានការរវល់ដូចគ្នាដោយ Tiffy Army ក៏ទើបតែត្រឡប់មកពីសៀមរាង ជួបអង្គរថាហ្គឺរ មានពេលហ្វឹកហាត់តែ១ថ្ងៃ ចំណែកភ្នំពេញក្រោនក៏ដូចគ្នាទើបប្រកួតចប់ AFC Cup ក៏ដូចជាជួបណាហ្គាវើលដ៍»។
ពានរង្វាន់លីគកំពូលកម្ពុជា បានឈានដល់សប្ដាហ៍ទី ៤ហើយ ដោយព្រះខ័នរាជស្វាយរៀងហ្វូតបលក្លិប កំពុងឈរកំពូលរាតាងបណ្ដុះអាសន្ន បន្ទាប់ពីឈ្នះ ISI ដង្កោសែនជ័យ ២-១ នៅសហ្ដាហ៍ទី៤ កាលពីល្ងាចថ្ងៃទី២៦ សីហា ដោយ ៤ប្រកួត ឈ្នះទាំង៤ មាន១២ ពិន្ទុពេញ៕