ប្រទេសថៃ កំពុងរៀបចំធ្វើម្ចាស់ផ្ទះព្រឹត្តិការណ៍ប្រកួតបាល់ទះជើងឯកផ្នែកនារីប្រចាំទ្វីបអាស៊ី 2023 Asian Women’s Volleyball Championship ដែលមានការចូលរួមចំនួន ១៤ប្រទេស ធ្វើឡើងនៅក្នុងខេត្ត
នគររាជសីមា ចាប់ផ្ដើមប្រកួតពីថ្ងៃទី៣០ ខែសីហា រហូតដល់ថ្ងៃទី០៦ ខែកញ្ញា ឆ្នាំ២០២៣។
១៤ក្រុមដែលចូលរួមបានបែងចែកជា ៤ពូលមាន៖
ពូល A៖ ថៃ, អូស្ត្រាលី និងម៉ូហ្គោលី
ពូល B៖ ជប៉ុន, អ៊ីរ៉ង់ និងឥណ្ឌា
ពូល C៖ កូរ៉េខាងត្បូង, ចិនតៃប៉ិ, វៀតណាម និងអ៊ូសបេគីស្ថាន
ពូល D៖ ចិន, កាហ្សាក់ស្ថាន, ហុងកុង និងហ្វីលីពីន
លទ្ធផលប្រកួតថ្ងៃទី៣០ សីហា៖
អូស្ត្រាលី ០-៣ ថៃ
ឥណ្ឌា ០-៣ ជប៉ុន
វៀតណាម ៣-២ កូរ៉េខាងត្បូង
ចិនតៃប៉ិ ៣-០ អ៊ូសបេគីស្ថាន
ហុងកុង ០-៣ ចិន
កាហ្សាក់ស្ថា ៣-២ ហ្វីលីពីន
កម្មវិធីប្រកួតថ្ងៃទី៣១ សីហា ចាប់ផ្តើមពីម៉ោង១២ថ្ងៃត្រង់នេះ៖
ម៉ូហ្គោលី ប៉ះអូស្ត្រាលី ម៉ោង១២:០០នាទីថ្ងៃត្រង់
អ៊ីរ៉ង់ ប៉ះឥណ្ឌា ម៉ោង ០៣:០០នាទីរសៀល
កូរ៉េខាងត្បូង ប៉ះចិនតៃប៉ិ
វៀតណាម ប៉ះអ៊ូសបេគីស្ថាន ម៉ោង ០៦:០០នាទីល្ងាច
កាហ្សាក់ស្ថាន ប៉ះហុងកុង ម៉ោង ១២:០០នាទីថ្ងៃត្រង់
ហ្វីលីពីន ប៉ះចិន ម៉ោង ០៣:០០នាទីរសៀល
ដោយឡែកសម្រាប់ផ្នែកបុរស់ទើបបញ្ចប់កាលពីថ្ងៃទី២៦ សីហានេះ ជប៉ុនបានគ្រងជើងឯកបាល់ទះបុរសក្នុងសាលប្រចាំទ្វីបអាស៊ី Asian Men’s Volleyball Championship 2023 ជាលើកទី១០ (១៩៧៥, ១៩៨៣, ១៩៨៧, ១៩៩១, ១៩៩៥, ២០០៥, ២០០៩, ២០១៥, ២០១៧) និងឆ្នាំ២០២៣នេះ ក្រោយឈ្នះអ៊ីរ៉ង់ នៅវគ្គផ្ដាច់ព្រ័ត្រ ក្នុងលទ្ធផល ៣សិតទល់និង០។
សម្រាប់ការប្រកួតបាល់ទះជើងឯកប្រចាំទ្វីបអាស៊ីនេះដែរ ២ក្រុមដែលឡើងដល់វគ្គផ្ដាច់ព្រ័ត្រពានរង្វាន់នេះ និងលេខ៣ នឹងមានឈ្មោះចេញទៅប្រកួតក្នុងពានរង្វាន់ជើងឯកពិភពលោក 2025 FIVB Volleyball Women’s World Championship ។
ពានរង្វាន់បាល់ទះជើងឯកប្រចាំទ្វីបសម្រាប់នារី នេះរៀបចំរាល់៤ឆ្នាំម្តង ដោយធ្វើឡើងចាប់ពីឆ្នាំ១៩៧៥ ដល់ឆ្នាំ១៩៨៧ ទើបចាប់ផ្ដើមរៀបចំ ២ឆ្នាំម្ដង ដោយក្រុមមានក្រុមចូលរួមទាំងតំបន់អាស៊ីនិងដែនកោះមួយចំនួនក្នុងមហាសមុទ្រប៉ាស៊ីហ្វិក ហើយចិន ឈ្នះជើងឯកបានច្រើនជាងគេគឺរហូតដល់១៣លើក (១៩៧៩, ១៩៨៧, ១៩៨៩, ១៩៩១, ១៩៩៣, ១៩៩៥, ១៩៩៧, ១៩៩៩, ២០០១, ២០០៣, ២០០៥, ២០១១, ២០១៥) ជប៉ុន ចំនួន ៥លើក (១៩៧៥, ១៩៨៣, ២០០៧, ២០១៧, ២០១៩) និងថៃ ចំនួន ២លើក (២០០៩, ២០១៣)៕
