សិល្បៈអន្តរជាតិ៖ កំពុងតែក្លាយជាដំណឹងក្ដៅនិងមានការតាមដានជាពិសេស ព្រមទាំងទន្ទឹងចង់ដឹងចម្លើយចេញពីបបូរមាត់របស់តារាទាំងពីរដួង គឺទាំង Jes និង Vill តើចំណងស្នេហ៍អ្នកទាំងពីរស្ថិតក្នុងស្ថានភាពបែបណាក្រោយធ្លាយដំណឹងចចាមអារ៉ាមបែកបាក់ ចំណែកឯភាគីខាងប្រុសក៏នបង្ហាញភាពស្និតស្នាលជាមួយនឹង Lady Prang ជាពិសេសថែមទៀត។
ទីបំផុត កំលោះ jes jespipat បានចេញមកទម្លាយខ្ទេចគ្មានសល់ថាខ្លួននិងអតីតមិត្តស្រី Vill Wannarot បានចែកផ្លូវគ្នាដើរហើយ ក្រោយបានសេពគប់គ្នារយៈពេល៤ឆ្នាំ ប៉ុន្តែបុរសសង្ហាតារាសម្ដែងប្រចាំស្ថានីយទូរទស្សន៍ ONE HD រូបនេះអះអាងថាដៃគូសម្ដែងរបស់ខ្លួនគឺ Lady Prang មិនមែនជាបាតដៃទី៣ ដែលធ្វើឱ្យស្នេហារបស់ខ្លួនដើរដល់ផ្លូវបញ្ចប់នោះដែរ ចំណែកមូលហេតុដែលនាំឱ្យអ្នកទាំងពីរដកឃ្លាមិនបន្តទៅមុខនោះ ព្រោះតែបញ្ហាមិនយល់ចិត្តគ្នាមួយចំនួន ហើយបើទោះជាព្យាយាមសម្រុះសម្រួលគ្នាក្ដីក៏នៅតែមិនបានសម្រេច។ លោកបានបញ្ជាក់ដែរថា រវាងអ្នកទាំងពីរ មិនមានអ្នកណាម្នាក់សុំបែកនោះទេ តែជាការជជែកគ្នាច្រើនជាង។
Jes បានបង្ហើបប្រាប់អ្នកសារព័ត៌មាន ថា «ទំនាក់ទំនងជាមួយ Vill បានបញ្ចប់ហើយ យើងបែកគ្នាមួយរយៈហើយ ព្យាយាមសម្រុះសម្រួលគ្នាដែរ ពួកយើងបានព្យាយាមសម្រុះសម្រួលគ្នា មិនមែនដោយសារ Lady Prang នោះទេ នោះវាគ្រាន់តែជាការផ្សាយពាណិជ្ជកម្មរឿងប៉ុណ្ណោះ ខ្ញុំបានសុំទោស Prang ហើយ ព្រោះនាងរងប៉ះពាល់ខ្លាំង រឿងដែលកើតឡើងនោះមិនមែនជាការពិតទេ ខ្ញុំនិង Prang គឺជាមិត្តភក្ដិ មិនអាចវិវត្តន៍ទៅជាអ្វីផ្សេងទេ ខ្ញុំគោរពការសម្រេចចិត្តរបស់មនុស្សម្នាក់ សុំទោសអ្នកគាំទ្រដែលរង់ចាំអបអរគូពួកខ្ញុំ»
ជាមួយគ្នានោះ Jes បានបន្ថែមទៀតថា ៖ «ខ្ញុំគិតថាយើងគួរតែចេញមកធ្វើអ្វីឱ្យច្បាស់លាស់ព្រោះមនុស្សជុំវិញខ្លួនត្រូវគេតាមសួរ និងក្ដៅក្រហាយដោយសារខ្ញុំ ខ្ញុំនៅស្រលាញ់នាង តែបើយើងបន្តនៅក្នុងឋានៈជាគូស្នេហ៍ នឹងធ្វើឱ្យយើងហត់ទាំងពីរនាក់ នាងជាមនុស្សល្អ ហើយល្អជាមួយនឹងខ្ញុំណាស់ មិនដឹងថាតទៅមុខទំនាក់ទំនងពួកយើងនឹងជាយ៉ាងណា អាចត្រលប់មកសេពគប់គ្នាឬអត់ទេ? ខ្ញុំខូចចិត្តដែលយើងអត់មានអ្នកណាធ្វើខុស យើងគ្រាន់តែឃ្លាតឆ្ងាយពីគ្នា យើងរកចំណុចរួមគ្នាមិនបាន នៅមិនទាន់បានជជែកជាមួយ Vill មិនទាន់បានផ្ញើសារទៅនិយាយគ្នាទេ»។
បើសិនជាមានការងារត្រូវធ្វើរួមអត់បញ្ហាតែមិនដឹងថានាងនៅចង់រួមការងារជាមួយខ្ញុំឬអត់? ខ្ញុំចង់ឱ្យនាងសប្បាយចិត្តច្រើនជាង អរគុណអ្នកគ្រប់គ្នាដែលបារម្ភ។ ខ្ញុំបង្ហោះរូបជាមួយនឹង Prang គឺដើម្បីផ្សព្វផ្សាយរឿងដែលយើងសម្ដែងប៉ុណ្ណោះ ខ្ញុំសូមអះអាងថាខ្ញុំបង្ហោះរូបជាមួយគ្នាធម្មតាប៉ុណ្ណោះព្រោះជាការងាររបស់យើងគ្រប់គ្នា ខ្ញុំមិនចង់ឱ្យការផ្សព្វផ្សាយរឿងត្រូវព្យួរចោលដោយសារតែបញ្ហាផ្ទាល់ខ្លួន ខ្ញុំគិតថាខ្ញុំបរិសុទ្ធ ដូច្នេះខ្ញុំបង្ហោះរូបជាមួយ Prang បើអត់បង្ហោះរូបជាមួយគ្នា ខ្ញុំគិតថាមើលទៅទើបមិនបរិសុទ្ធចិត្តជាង»៕