ថៃ ប៉ះជប៉ុន ខណ:វៀតណាម ប៉ះចិន ប្រកួតវគ្គពាក់កណ្ដាលផ្ដាច់ព្រ័ត្រ (Semi-finals)ព្រឹត្តិការណ៍បាល់ទះជើងឯកផ្នែកនារីប្រចាំទ្វីបអាស៊ី 2023 Asian Women’s Volleyball Championship ដែលមានការចូលរួមចំនួន ១៤ប្រទេស ធ្វើឡើងនៅក្នុងខេត្តនគររាជសីមា ចាប់ផ្ដើមប្រកួតពីថ្ងៃទី៣០ ខែសីហា រហូតដល់ថ្ងៃទី០៦ ខែកញ្ញា ឆ្នាំ២០២៣។
កម្មវិធីប្រកួតវគ្គពាក់កណ្ដាលផ្ដាច់ព្រ័ត្រ នឹងធ្វើឡើងនៅថ្ងៃទី០៥ កញ្ញា នេះមាន៖
-ថៃ ប៉ះជប៉ុន នៅក្នុងសាល MCC Hall The Mall Korat វេលាម៉ោង ០៣:០០នាទីរសៀល
-វៀតណាម ប៉ះចិន នៅក្នុងសាល MCC Hall The Mall Korat វេលាម៉ោង ០៦:០០នាទីរល្ងាច
១៤ក្រុមដែលចូលរួមបានបែងចែកជា ៤ពូលមាន៖
ពូល A៖ ថៃ, អូស្ត្រាលី និងម៉ូហ្គោលី
ពូល B៖ ជប៉ុន, អ៊ីរ៉ង់ និងឥណ្ឌា
ពូល C៖ កូរ៉េខាងត្បូង, ចិនតៃប៉ិ, វៀតណាម និងអ៊ូសបេគីស្ថាន
ពូល D៖ ចិន, កាហ្សាក់ស្ថាន, ហុងកុង និងហ្វីលីពីន
សម្រាប់ការប្រកួតបាល់ទះជើងឯកប្រចាំទ្វីបអាស៊ីនេះដែរ ២ក្រុមដែលឡើងដល់វគ្គផ្ដាច់ព្រ័ត្រពានរង្វាន់នេះ និងលេខ៣ នឹងមានឈ្មោះចេញទៅប្រកួតក្នុងពានរង្វាន់ជើងឯកពិភពលោក 2025 FIVB Volleyball Women’s World Championship ។
ពានរង្វាន់បាល់ទះជើងឯកប្រចាំទ្វីបសម្រាប់នារី នេះរៀបចំរាល់៤ឆ្នាំម្តង ដោយធ្វើឡើងចាប់ពីឆ្នាំ១៩៧៥ ដល់ឆ្នាំ១៩៨៧ ទើបចាប់ផ្ដើមរៀបចំ ២ឆ្នាំម្ដង ដោយក្រុមមានក្រុមចូលរួមទាំងតំបន់អាស៊ីនិងដែនកោះមួយចំនួនក្នុងមហាសមុទ្រប៉ាស៊ីហ្វិក ហើយចិន ឈ្នះជើងឯកបានច្រើនជាងគេគឺរហូតដល់១៣លើក (១៩៧៩, ១៩៨៧, ១៩៨៩, ១៩៩១, ១៩៩៣, ១៩៩៥, ១៩៩៧, ១៩៩៩, ២០០១, ២០០៣, ២០០៥, ២០១១, ២០១៥) ជប៉ុន ចំនួន ៥លើក (១៩៧៥, ១៩៨៣, ២០០៧, ២០១៧, ២០១៩) និងថៃ ចំនួន ២លើក (២០០៩, ២០១៣)៕