ម្ចាស់ជើងឯក១៣ សម័យកាល នឹងត្រូវជួបម្ចាស់ផ្ទះថៃ ប្រកួតវគ្គពាក់កណ្ដាលផ្ដាច់ព្រ័ត្រ (Semi-finals) ព្រឹត្តិការណ៍បាល់ទះជើងឯកផ្នែកនារីប្រចាំទ្វីបអាស៊ី 2023 Asian Women’s Volleyball Championship នៅលើកទឹកដីថៃ។
ប្រកួតវគ្គផ្ដាច់ព្រ័ត្រ៖ ចិន ជួប ថៃ នៅក្នុងសាល MCC Hall The Mall Korat ថ្ងៃទី០៦ កញ្ញា វេលាម៉ោង ០៦:០០នាទីរល្ងាច
ប្រកួតយកចំណាត់ថ្នាក់លេខ២ និងលេខ៣៖ វៀតណាម ជួប ជប៉ុន នៅក្នុងសាល MCC Hall The Mall Korat ថ្ងៃទី០៦ កញ្ញា វេលាម៉ោង ០៣:០០នាទីរល្ងាច
លទ្ធផលប្រកួតវគ្គពាក់កណ្ដាលផ្ដាច់ព្រ័ត្រ ៖
-ថៃ ៣-២ ជប៉ុន (២៥-២៣,១៩-២៥, ២០-២៥, ២៥-២០,១៥-១១)
-វៀតណាម ០-៣ ចិន (១៣-២៥, ១២-២៥, ២២-២៥)
ក្រុមដែលមានការចូលរួមចំនួន ១៤ប្រទេស បែងចែកជា ៤ពូលមាន៖ ពូល A៖ ថៃ, អូស្ត្រាលី និងម៉ូហ្គោលី, ពូល B៖ ជប៉ុន, អ៊ីរ៉ង់ និងឥណ្ឌា, ពូល C៖ កូរ៉េខាងត្បូង, ចិនតៃប៉ិ, វៀតណាម និងអ៊ូសបេគីស្ថាន និង ពូល D៖ ចិន, កាហ្សាក់ស្ថាន, ហុងកុង និងហ្វីលីពីន។ ការប្រកួតបានចាប់ផ្ដើមពីថ្ងៃទី៣០ ខែសីហា រហូតដល់ថ្ងៃទី០៦ ខែកញ្ញា ឆ្នាំ២០២៣។
កំណត់ត្រារបស់ក្រុមទាំង២កន្លងមក៖
-ក្រុមបាល់ទះនារីចិន ឈ្នះជើងឯកបានច្រើនជាងគេគឺរហូតដល់១៣លើក (១៩៧៩, ១៩៨៧, ១៩៨៩, ១៩៩១, ១៩៩៣, ១៩៩៥, ១៩៩៧, ១៩៩៩, ២០០១, ២០០៣, ២០០៥, ២០១១, ២០១៥)
-ក្រុមបាល់ទះនារីថៃ ឈ្នះជើងឯកបានចំនួន ២លើក (២០០៩, ២០១៣)
ពានរង្វាន់បាល់ទះជើងឯកប្រចាំទ្វីបសម្រាប់នារី នេះរៀបចំរាល់៤ឆ្នាំម្តង ដោយធ្វើឡើងចាប់ពីឆ្នាំ១៩៧៥ ដល់ឆ្នាំ១៩៨៧ ទើបចាប់ផ្ដើមរៀបចំ ២ឆ្នាំម្ដង ដោយក្រុមមានក្រុមចូលរួមទាំងតំបន់អាស៊ីនិងដែនកោះមួយចំនួនក្នុងមហាសមុទ្រប៉ាស៊ីហ្វិក។
សម្រាប់ការប្រកួតបាល់ទះជើងឯកប្រចាំទ្វីបអាស៊ីនេះដែរ ២ក្រុមដែលឡើងដល់វគ្គផ្ដាច់ព្រ័ត្រពានរង្វាន់នេះ និងលេខ៣ នឹងមានឈ្មោះចេញទៅប្រកួតក្នុងពានរង្វាន់ជើងឯកពិភពលោក 2025 FIVB Volleyball Women’s World Championship ៕