នៅយប់ថ្ងៃទី៧ ខែកញ្ញា ឆ្នាំ២០២៣ ក្រុមកម្ពុជា នឹងបើទ្វាពហុកីឡដ្ឋានជាតិ ទទួលស្វាគមន៏ក្រុមភ្ញៀវ មកពីហុងកុង ក្នុងការប្រកួតមិត្តភាពអំឡុងថ្ងៃ FIFA day វេលាម៉ោង ៧ យប់។
លោក Jørn Andersen គ្រូបង្គោលក្រុមហុងកុងបានលើកឡើងក្នុងកិច្ចសម្ភាសន៏ថា៖ «ក្រុមបាល់ទាត់ហុងកុង មានកីឡាករដែលចូលសញ្ញាតិនោះ មិនមែនជារឿងចម្លែកនោះទេ បើនិយាយពីប្រទេសថៃ ឥណ្ឌូណេស៊ី និងហ្វីលីពីន វិញក៏មានកីឡាករចូលសញ្ញាតិក្នុងក្រុមជម្រើសជាតិរបស់ពួកគេផងដែល ដូចនេះលោកគិតថា ជារឿងធម្មតា សំខាន់លោកត្រូវដឹកនាំក្រុមជម្រើសជាតិហុងកុង ឱ្យខ្លាំងជាងឆ្នាំមុនៗ ជាពិសេសគោលដៅ FIFA World Cup 2026»។
នេះជាការប្រមូលផ្ដុំលើកទី២សម្រាប់ខ្ញុំ ហើយយើងបានបោះជំរុំហ្វឹកហាត់បាន៦ថ្ងៃ ។ សម្រាប់ការលេង ជាមួយហុងកុងជាការប្រកួតមួយដ៏ល្អ ព្រោះហុងកុងជាក្រុមខ្លាំងហើយការប្រកួតនេះជាការប្រកួតមួយ សម្រាប់យើងក្នុងការពង្រឹងក្រុមបន្ថែមទៀត ។ ដោយសារតែក្នុងថ្ងៃ FIFA DAY នេះ ក្រុមជម្រើសជាតិកម្ពុជាមានភារកិច្ច ២ ផ្សេងគ្នាហើយយើងបានបែងចែកកីឡាករក្មេងៗមួយចំនួន ដែលល្អៗដើម្បីប្រកួតពានរង្វាន់ AFC U23 Asian Cup ប៉ុន្តែយើងក៏មានកីឡាករផ្សេង ទៀតដែលជាកីឡាករល្អផងដែលដើម្បីត្រៀមខ្លួនប្រកួតទល់និងហុងកុង និង ម៉ាកាវ ។ ដូច្នេះការប្រកួតមិត្តភាពទាំងពីរនេះគឺដើម្បីត្រៀមខ្លួនសម្រាប់ការប្រកួតវគ្គជម្រុះ FIFA WORLD CUP 2026 ក្នុងខែតុលាខាងមុខនេះ ។
ខាងក្រោមនេះជាប្រវត្តិជួបគ្នារវៀងក្រុមកម្ពជា និងហុងកុង៖
លើកទី១៖ នៅថ្ងៃទី៣១ សីហា ១៩៥៧ ក្នុងពានរង្វាន់ Merdeka Tournament នៅប្រទេសម៉ាឡេស៊ី
ហុងកុង ឈ្នះ កម្ពុជា ដោយលទ្ធផល ៦-២
លើកទី២៖ នៅថ្ងៃ២៤ ឧសភា ១៩៧១ ក្នុងវគ្គជម្រុះពានរង្វាន់ជើងឯកទ្វីបអាស៊ី AFC Asian Cup នៅប្រទេសថៃ កម្ពុជា ឈ្នះ ហុងកុង ដោយលទ្ធផល ២-១
លើកទី៣៖ នៅថ្ងៃទី១០ សីហា ១៩៧២ ក្នុងពានរង្វាន់ប្រកួត Merdeka Tournament
កម្ពុជា ឈ្នះហុងកុង ដោយលទ្ធផល ១-០
លើកទី៤៖ នៅថ្ងៃទី ១៨ តុលា ១៩៩៩ ក្នុងវគ្គជម្រុះជើងឯកទ្វីបអាស៊ី AFC Asian Cup នៅហុងកុង
ក្រុមហុងកុង ឈ្នះ កម្ពុជា ដោយលទ្ធផល ៤-១
លើកទី៥៖ ថ្ងៃទី ៧ វិច្ឆិកា ១៩៩៩ ក្នុងវគ្គជម្រុះជើងឯកទ្វីបអាស៊ី AFC Asian Cup នៅរាជធានីភ្នំពេញ
កម្ពុជា ចាញ់ហុងកុង ដោយលទ្ធផល ១-០
លើកទី៦ ថ្ងៃទី ១ កញ្ញា ២០១៦ ប្រកួតមិត្តភាពអន្តរជាតិ នៅហុងកុង ក្រុមហុងកុង បន្តឈ្នះកម្ពុជា ដោយលទ្ធផល ៤-២
លើកទី៧៖ ថ្ងៃទី ៦ តុលា ២០១៦ ប្រកួតមិត្តភាពអន្តរជាតិ នៅរាជធានីភ្នំពេញ ក្រុមកម្ពុជា ចាញ់ ហុងកុង ដោយលទ្ធផល ២-០
លើកទី៨៖ ថ្ងៃ៥ សីហា ២០១៩ ក្នុងវគ្គជម្រុះ World Cup នៅរាជធានីភ្នំពេញ កម្ពុជា ស្មើគ្នាជាមួយ ហុងកុង ដោយលទ្ធផល ១-១
លើកទី៩៖ ថ្ងៃទី១៩ វិច្ឆិកា ២០១៩ ក្នុងវគ្គជម្រុះ World Cup នៅហុងកុង ក្រុមហុងកុង ឈ្នះ កម្ពុជា ដោយលទ្ធផល ២-០
លើកទី១០៖ ថ្ងៃទី១១ មិថុនា ឆ្នាំ២០២២ ក្នុងវគ្គជម្រុះពានរង្វាន់ជើងឯកទ្វីបអាស៊ី AFC Asian Cup
នៅឥណ្ឌា កម្ពុជា ចាញ់ហុងកុង ៣-០
