ស្របពេលដែលវិស័យកីឡា បាននឹងកំពុងរីកដុះដាលយ៉ាង ខ្លាំង នៅក្នុងខេត្តព្រះសីហនុ ជាពិសេសក៏មានក្លិបបាល់ទាត់ Life ដែលទើបលេចវត្តមាននាថ្មីៗនេះ ខណ:ព្រឹកថ្ងៃទី៧ កញ្ញា នេះសកលវិទ្យាល័យ ឡាយហ្វ (Life) បានរៀបចំកម្មវិធីប្រកូតវាយកូនឃ្លីលើតុមិត្តភាពអន្តរជាតិ ពានរង្វាន់ Yang Young-Ja Cup (Yang Young-Ja Cup International Friendship Table Tennis Tournament)ជាលើកទី១។
ការរៀបចំកម្មវិធីប្រកូតវាយកូនឃ្លីលើតុមិត្តភាពអន្តរជាតិ នេះក៏ដូចជាជំរុញការលេងកីឡា ចង់មិត្តភាពជាមួយបណ្ដាលប្រទេសដោយមានចំនួន៦ បានចូលរួមមាន៖ កម្ពុជា, កូរ៉េខាងត្បូង, ចិន, តៃវ៉ាន់, ឥណ្ឌូណេស៊ី និងឥណ្ឌា ដោយលក្ខណៈ ប្រគួតវិលជុំ ប្រើរយៈពេលមួយថ្ងៃពេញ។
លោក ដេវិត ឃូស កលវិទ្យាធីការសកលវិទ្យាល័យ ឡាយហ្វ បានអោយដឹងថា៖ «កម្មវិធីនាថ្ងៃនេះ គឺសាកលវិទ្យាល័យ ឡាយហ្វ បានសហការជាមួយអតីតកីឡាការនី វាយកូនឃ្លីលើតុ មេដាយមាស ជនជាតិកូរ៉េ ឈ្មោះ Yang Young-Ja រៀបចំកម្មវិធី ប្រកូតវាយកូនឃ្លីលើតុមិត្តភាពអន្តរជាតិ Yang Young-Ja Cup (Yang Young-Ja Cup International Friendship Table Tennis Tournament) ក្នុងគោលបំណងបង្ហាញ ផ្សព្វផ្សាយ និងទាញចំណាប់អារម្មណ៍ សិស្សានុសិស្ស និស្សិត និងសាធារណៈជន ពីប្រភេទកីឡានេះ»។
បន្ទាប់បានបង្កើតក្លិបបាល់ទាត់អាជីព Life Football Clup នឹងត្រៀមចូលរួមប្រកួតក្នុងពានរង្វាន់លីគទី២ នៅកម្ពុជា ក៏ដូចជាកម្មវិធីប្រកូតវាយកូនឃ្លីលើតុមិត្តភាពអន្តរជាតិនេះ សាកលវិទ្យាល័យ ឡាយហ្វ មានគោលបំណងបង្កើតក្លឹបវាយកូនឃ្លីលើតុ និងផ្ដល់ការហ្វឹកហាត់ដល់សិស្សានុសិស្សនិស្សិតនិងសាធារណៈជន ឱ្យក្លាយជាកីឡាករ កីឡាការនីអាជីព ដើម្បីចូលរួមការប្រកួតជាតិ និងអន្តរជាតិ៕
