ពានរង្វាន់លីគកម្រិតទី២របស់កម្ពុជា Cambodian League 2 រដូវកាលឆ្នាំ២០២៣-២៤ នឹងចាប់ផ្ដើមពីពាក់កណ្តាលខែកញ្ញា តទៅហើយ ដោយមានក្លិបជាសមាជិកចំនួន៨ចូលរួមប្រកួតប្រជែង ដែលក្នុងមានក្លិបចំនួន៥ ប្រើប្រាស់ធនធានកីឡាករខ្មែរសុទ្ធ ពោលគឺមិនចុះបញ្ជីកីឡាករកូតាបរទេស។
បើតាមព័ត៌មានដែលសារព័ត៌មានត្រយង ទទួលនោះគឺ៖
-សមាគមកីឡាបាល់ទាត់ក្រសួងមហាផ្ទៃ៖ គ្មាន
-អាយ អេស អាយ ដង្កោសែនជ័យ “ខ” ៖ គ្មាន
-ក្លិបកីឡាបាល់ទាត់ វិសាខា(ខ)៖ គ្មាន
-មជ្ឈមណ្ឌល និងសាលាកីឡាបាល់ទាត់ជាតិ អាយុក្រោម១៨ឆ្នាំ៖ គ្មាន
-សមាគមកីឡាបាល់ទាត់ យុវជន ខ.ភ.ម (ខ)៖ គ្មាន
-ឡាយហ្វ ខេត្តព្រះសីហនុ៖ ៥នាក់
-ក្លិបបាល់ទាត់ អង្គរស៊ីធី៖ ៥នាក់
-ក្លិបបាល់ទាត់សៀមរាប៖ ៤នាក់
ពានរង្វាន់លីគទី២រដូវកាលឆ្នាំ២០២៣-២៤ នេះមានក្រុមជាសមាជិកចំនួន៨ក្រុម ដោយត្រូវប្រកួតវិលជុំសន្សំពិន្ទុចំនួន៣ជុំ ហើយក្រុមដែលមានពិន្ទុច្រើនជាងគេក្លាយជាម្ចាស់ជើងឯកប្រចាំរដូវកាល។
សម្រាប់កម្មវិធីប្រកួតសប្ដាហ៍ទី១ នឹងចាប់ផ្ដើមពីចុងសប្ដាហ៍នេះតទៅហើយដោយ៖
-ឡាយហ្វ ខេត្តព្រះសីហនុ ប៉ះ អង្គរស៊ីធី នៅកីឡដ្ឋានឡាយហ្វ (ខេត្តព្រះសីហនុ)
-ក្រសួងមហាផ្ទៃ ប៉ះ យុវជន ខ.ភ.ម (ខ) នៅបណ្ឌិតសភានគរបាលកម្ពុជា (ខេត្តកណ្ដាល)
-ខេត្តសៀមរាប ប៉ះ សាលាបាល់ទាត់ជាតិ នៅកីឡដ្ឋានខេត្តសៀមរាប
-វិសាខា (ខ) ប៉ះ ISIដង្កោសែនជ័យ (ខ) នៅកីឡដ្ឋានព្រីនស៍ (ភ្នំពេញ)
