នៅរសៀលថ្ងៃអង្គារ ទី១២ ខែកញ្ញា ក្លិបបាល់ទាត់សៀមរាបអេហ្វស៊ី ក្រោមការដឹកនាំរបស់លោក លី ធារ៉ា បានប្រកាសនាំចូលកីឡាករ RYUSEI FURUKAWA ជនជាតិជប៉ុន ត្រៀមសម្រាប់លីគលំដាប់ទី២ Cambodian League 2 រដូវកាល ២០២៣-២៤។
កីឡាករ RYUSEI FURUKAWA លេងតំណែងជាខ្សែបម្រើប្រយុទ្ធ ធ្លាប់លេងនៅក្លិបដូចជា៖
-២០១៨-១៩ លេងនៅក្លិប Parramatta Eagles FC លីគអូស្ត្រាលី
-២០១៩-២០ លេងនៅក្លិប Bankstown City Lions FC លីគអូស្ត្រាលី
-២០២០-២១ លេងនៅក្លិប FK Minija Kretinga លីគលីទុយអានី
-២០២១-២២ លេងនៅក្លិប Khangarid FC លីគម៉ុងហ្គោលី
-២០២២ លេងនៅក្លិប FC Ulaanbaatar លីគម៉ុងហ្គោលី
-២០២២-២៣ លេងនៅក្លិប TUV Buganuud លីគម៉ុងហ្គោលី។
ក្រៅពីនេះក្លិបបាល់ទាត់សៀមរាបអេហ្វស៊ី ក៏បាននាំចូលកីឡាករ David Julien Koum ជនជាតិកាមេរ៉ូន បច្ចុប្បន្នមានអាយុ ២៧ឆ្នាំ លេងតំណែងជាខ្សែបម្រើកណ្តាល កម្ពស់១.៧០ម៉ែត្រ។
ស្របពេលសប្តាហ៍ទី១ នៅលីគលំដាប់ទី២ របស់ក្លិបបាល់ទាត់សៀមរាបអេហ្វស៊ី ត្រូវប្រកួតជាមួយ មជ្ឈមណ្ឌលនិងសាលាកីឡាបាល់ទាត់ជាតិ អាយុក្រោម១៨ឆ្នាំ ថ្ងៃទីអាទិត្យ ទី១៧ ខែកញ្ញា ឆ្នាំ២០២៣ (ចំពោះម៉ោង និងទីលាង ក្រុមការងារនឹងបញ្ជាក់នៅពេលក្រោយ)៕
ក្លិបបាល់ទាត់សៀមរាប ក៏បានប្រកាសភាពជាដៃគូរសហការរវាង ក្លិបបាល់ទាត់សៀមរាប ជាមួយ ភូមិកសិ.គំរូ និង ក្រុមហ៊ុន ទឹកពិសារ សម្រាប់រដូវកាល ២០២៣-២០២៤។
ខាងក្រោមនេះគឺជាឯកសណ្ឋានក្លិបបាល់ទាត់សៀមរាបអេហ្វស៊ី៖