ក្រុមជម្រើសជាតិបាល់ទះកម្ពុជា បានត្រៀមខ្លួនរួចរាល់ ដើម្បីចូលរួមប្រកួតក្នុងព្រឹត្តិការណ៍កីឡាប្រចាំទ្វីបអាស៊ី (Asian Games) ៤ឆ្នាំម្ដង ដែលលើកពីឆ្នាំ២០២២ មករៀបចំនៅ ឆ្នាំ២០២៣វិញ ដោយសារជំងឺរាតត្បាតកូវីដ-១៩ នៅទីក្រុង Hangzhou ប្រទេសចិន។
ជាប្រវត្តិសាស្រ្តរបស់កម្ពុជា ក្នុងវិញ្ញាសារបាល់ទះ អស់រយ:ពេល ៥០ឆ្នាំ ដែលមិនដែលបង្ហាញខ្លួននៅក្នុងពានមួយនេះ ទន្ទឹមនឹងការចូលរួមប្រកួតនៅ Asian Games នេះជាលើកទី៣ហើយដែលបញ្ជូនក្រុមបាល់ទះបុរសទៅចូលរួមប្រកួត ដោយលើកទី១ នៅឆ្នាំ១៩៦២ ដែលប្រទេសឥណ្ឌូណេស៊ី ធ្វើជាម្ចាស់ផ្ទះ ដោយឈរលេខ៧។ លើកទី២ ក្នុងឆ្នាំ១៩៧០ ដែលប្រទេសថៃ ទទួលធ្វើម្ចាស់ផ្ទះកម្ពុជា ទទួលបានចំណាត់ថ្នាក់លេខ៤។
ខាងក្រោមនេះកឺជាសមាសភាពប្រតិភូដឹកនាំ គ្រូបង្វឹក និងកីឡាករជម្រើសជាតិបាល់ទះ ផ្លូវការរបស់កម្ពុជា ត្រៀមសម្រាប់ព្រឹត្តិការណ៍ The 19th Asian Games Hangzhou ២០២៣៖
ក្រុមបាល់ទះក្នុងសាលបុរសកម្ពុជា ស្ថិតក្នុងពូល Cជាមួយយក្សឥណ្ឌា និងកូរ៉េខាងត្បូង ខណៈការប្រកួតនឹងចាប់ដំណើរការនៅខែក្រោមនេះ នៃព្រឹត្តិការណ៍កីឡាអាស៊ីលើកទី១៩ នៅប្រទេសចិន (2022 Asian Games)។
សម្រាប់កម្មវិធីប្រកួតក្នុងពូល C ដែលមានកម្ពុជា ឥណ្ឌា និងកូរ៉េខាងត្បូង មាន៖
– ថ្ងៃទី១៩ ខែកញ្ញា ឆ្នាំ២០២៣៖ ឥណ្ឌា ប៉ះ កម្ពុជា ទីលាន China Textile City Sports Centre Gymnasium ម៉ោង៦ល្ងាច
-ថ្ងៃទី២០ ខែកញ្ញា ឆ្នាំ២០២៣៖ កូរ៉េខាងត្បូង ប៉ះ ឥណ្ឌា ទីលាន Linping Sports Centre Gymnasium ម៉ោង៦ល្ងាច
-ថ្ងៃទី២១ ខែកញ្ញា ឆ្នាំ២០២៣៖ កម្ពុជា ប៉ះ កូរ៉េខាងត្បូង ទីលាន Linping Sports Centre Gymnasium ម៉ោង២:៣០នាទី
*ម៉ោងនៅខេត្ត Zhejiang លើសម៉ោងនៅកម្ពុជា ១ម៉ោង
បញ្ជាក់ថា អត្តពលិកកីឡាកម្ពុជា ចំនួន ១៧ប្រភេទកីឡា ដែលត្រូវចូលរួមព្រឹត្តិការណ៍កីឡាប្រចាំទ្វីបអាស៊ី រួមមាន៖ កីឡាបាល់ទះ, បាល់បោះ, អត្តពលកម្ម, ហែលទឹក, គ្រិកឃីត, យូដូ, ចំបាប់, វាយសី, ជឺជីតស៊ូ, ការ៉ាតេ, ទូកក្ដោង, តេក្វាន់ដូ WT, ទ្រីយ៉ាត្លុង, ទូកប្រពៃណី, សូហ្វតិន្នីស, អុកចិន និងកីឡាគុនដាវ។
កីឡាកម្រិតទ្វីបអាស៊ី Asian Games រៀបចំឡើងដំបូងតាំងពីឆ្នាំ១៩៥១ មកម៉្លេះ ពោលគឺរាល់៤ឆ្នាំម្តង ខណៈនេះគឺជាលើកដំបូងហើយក្នុងប្រវត្តិសាស្រ្តដែលក្រុមជម្រើសជាតិនារីកម្ពុជា ចូលរួមពានរង្វាន់កម្រិតទ្វីបមួយនេះ ប៉ុន្តែសម្រេចដកខ្លួនវិញ៕