Tiktok បច្ចុប្បន្នគឺជា Platform បណ្ដាញសង្គមដ៏ធំមួយ ហើយមានចំនួនមនុស្សប្រើប្រាស់ច្រើននៅទូទាំងពិភពលោក។ ខណៈក្រុមចម្រៀងដែលមានប្រជាប្រិយភាពបំផុតក្នុងពិភពលោកគឺបានធ្លាក់ទៅលើក្រុម BTS ។
រឿងសំខាន់ទាំងបូកបញ្ចូលគ្នាធ្វើឱ្យបុរសថៃមួយរូបដែលជាអ្នកលេង Tiktok កំពុងតែទាញបានការចាប់អារម្មណ៍យ៉ាងខ្លាំងពីសំណាក់ ARMY ជុំវិញពិភពលោកព្រោះតែគេមានមុខមាត់ស្រដៀងទៅនឹង Jimin សមាជិកមួយរូបរបស់ក្រុមចម្រៀង BTS។
អ្នកគាំទ្រជាច្រើនគិតថាបុរសរូបនេះមានភាពស្រដៀងច្រើនទៅនឹងសមាជិកក្រុមចម្រៀងដ៏ពេញនិយម BTS មិនថាភ្នែក ច្រមុះ ចង្កា ឬមុខនោះទេ។
ភាពស្រដៀងនេះបានធ្វើឱ្យអ្នកគាំទ្រជាច្រើនអ្នកមានការភ្ញាក់ផ្អើលខ្លាំងព្រោះកន្លងមក Jimin តែងតែជាសមាជិកម្នាក់ដែលអ្នកគាំទ្រសរសើរព្រោះតែមុខមាត់ក្មេងវ័យមិនចេះចេះ ថ្ពាន់ប៉ោងគួរឱ្យខ្នាញ់ មុខគួរឱ្យស្រលាញ់ភ្នែកស្អាតនិងទាក់ទាញ។
ទោះជានៅខាងក្រោមផុសពីបុរសជនជាតិថៃលេង Tiktok ហើយមានមុខមាត់ស្រដៀងនឹង Jimin មានអ្នកគាំទ្រជាច្រើនបានបញ្ចេញនូវមតិវិជ្ជមាន ពាក់ព័ន្ធនឹងមុខមាត់ស្រដៀងនេះ តែក៏មានមតិខ្លះបានលើកឡើងថារូបថតអាចប្រើ Photoshop មកជំនួយឬអាចដោយសារ Camera Angle ជាដើម៕
ប្រភព៖ KBIzoom