ក្រុមបាល់ទះជម្រើសជាតិចិន បានប្រកួតយកឈ្នះជើងខ្លាំងជប៉ុន ៣សិតទល់នឹង០ (២៥-១៥, ២៥-២០, ២៥-២១) កាលពីថ្ងៃទី២៥ ខែកញ្ញា ក្នុងព្រឹត្តិការណ៍ The 19th Asian Games Hangzhou ២០២៣ វគ្គពាក់កណ្តាលផ្តាច់ព្រ័ត្រ នៅទីលាន Linping Sports Centre Gymnasium។ ស្របពេលដែលក្រុមបាល់ទះជម្រើសជាតិអ៊ីរ៉ង់ ក៏បានយកឈ្នះកាតា ៣សិត០ (២៥-២០, ២៥-២០, ២៥-២២)។
វគ្គផ្តាច់ព្រ័ត្រវិញ្ញាសាបាល់ទះ Asian Games៖
-ថ្ងៃទី២៦ ខែកញ្ញា ចិន ប៉ះ អ៊ីរ៉ង់ នៅទីលាន Linping Sports Centre Gymnasium វេលាម៉ោង ៧:៣០នាទីយប់។
វគ្គដណ្តើមយកលេខ៣៖
-ថ្ងៃទី២៦ ខែកញ្ញា ជប៉ុន ប៉ះ កាតា នៅទីលាន Linping Sports Centre Gymnasium វេលាម៉ោង ២:៣០នាទីរសៀល។
វគ្គដណ្តើមយកលេខ៥៖
-ថ្ងៃទី២៦ ខែកញ្ញា ឥណ្ឌា ប៉ះ ប៉ាគីស្ថាន នៅទីលាន China Textil City Sport Centre Gymnasium វេលាម៉ោង ៦:៣០នាទីល្ងាច។
វគ្គដណ្តើមយកលេខ៧៖
-ថ្ងៃទី២៦ ខែកញ្ញា ឥណ្ឌូនេស៊ី ប៉ះ កូរ៉េខាងត្បូង នៅទីលាន China Textil City Sport Centre Gymnasium វេលាម៉ោង ២:៣០នាទីរសៀល។
វគ្គដណ្តើមយកលេខ៩៖
-ថ្ងៃទី២៦ ខែកញ្ញា កាហ្សាក់ស្ថាន ប៉ះ ថៃ នៅទីលាន China Textil City Sport Centre Gymnasium វេលាម៉ោង ១០:៣០នាទីព្រឹក។
វគ្គដណ្តើមយកលេខ១១៖
-ថ្ងៃទី២៥ ខែកញ្ញា ចិនតៃប៉ិ ៣-១ បារ៉ែន នៅទីលាន Linping Sports Centre Gymnasium។
ព្រឹត្តិការណ៍ Asian Games រៀបចំឡើងដំបូងនៅឆ្នាំ១៩៥១ ស្របពេលដែលវិញ្ញាសាបាល់ទះបានដាក់ឱ្យប្រកួតប្រជែងពីឆ្នាំ១៩៥៨។ សម្រាប់កម្ពុជា នេះជាលើកទី៣ហើយដែលបញ្ជូនក្រុមបាល់ទះបុរសទៅចូលរួមប្រកួតក្នុងព្រឹត្តិការណ៍កីឡា Asian Games ដោយលើកទី១ នៅឆ្នាំ១៩៦២ ដែលប្រទេសឥណ្ឌូណេស៊ី ធ្វើជាម្ចាស់ផ្ទះ ដោយឈរលេខ៧។ លើកទី២ ក្នុងឆ្នាំ១៩៧០ ដែលប្រទេសថៃ ទទួលធ្វើម្ចាស់ផ្ទះកម្ពុជា ទទួលបានចំណាត់ថ្នាក់លេខ៤ ស្របពេលដែលមេដាយមាសបានទៅជប៉ុន មេដាយប្រាក់បានទៅកូរ៉េខាងត្បូង និងមេដាយសំរឹទ្ធិបានទៅចិន។
តាំងពីដាក់វិញ្ញាសាបាល់ទះចូលក្នុងកីឡាអាស៊ី មកឃើញថាជប៉ុន ឈ្នះមេដាយមាស៨ជំនាន់ម្នាក់ឯង ច្រើនជាងប្រទេសដទៃ ខណៈកូរ៉េខាងត្បូង ជាក្រុមខកចិត្តវគ្គផ្ដាច់ព្រ័ត្រ៧លើក ពោលគឺបានត្រឹមមេដាយប្រាក់ និងធ្លាប់ឈ្នះមេដាយមាស៣លើក ស្មើនឹងយក្សចិន៕