ទោះជាមកដល់បច្ចុប្បន្នមានរយៈពេលមួយឆ្នាំពេញក្ដីដែលក្រុមចម្រៀង Blackpink មិនបានទម្លាក់បទចម្រៀងឬContentគួរឱ្យចាប់អារម្មណ៍ណាមួយនៅលើ YouTube ប៉ុន្តែ Channel Blackpink នៅលើ YouTube នៅតែបន្តកំនើនចំនួនទស្សនាច្រើនឡើងហួសការស្មាន។
យោងតាមទិន្នន័យរបស់ YouTube សព្វថ្ងៃ Blackpink មានចំនួន Views សរុប ១៨,៦៦៥,៦៧០,៦១២ ដង ដែលជាមួយចំនួនលើសពីក្រុមចម្រៀងល្បីជាសកលលោក Maroon 5 ដែលមានចំនួន Views សរុប ១៨,៦៥៥,៣៥០,៨០៦ដង។ ជាមួយនឹងសមិទ្ធិផលដ៏ធំធេងនេះ ក្រុមចម្រៀងនារីសុទ្ធ៤រូបនៃផលិតកម្ម YG បានក្លាយជាក្រុមចម្រៀងដែលមានចំនួន Views ខ្ពស់ជាងគេបំផុតលើ YouTube នៅលើផែនដីនេះ។
នេះគឺជាចំនួនមួយដ៏មហិមានិងលើសពីការរំពឹងទុកព្រោះក្រុមនេះទើបតែមានសកម្មភាពជិត៥ឆ្នាំប៉ុណ្ណោះនៅលើវិស័យសិល្បៈចម្រៀង។ ជាមួយនឹងជោគជ័យខាងលើបានបង្ហាញឱ្យឃើញថាក្រុមចម្រៀងរបស់ YG គឺជាតារាមានគុណភាព សមត្ថភាព ទេពកោសល្យ អាចទាក់ទាញការចាប់អារម្មណ៍ពីសំណាក់អ្នកនាំគាំទ្របានច្រើន តាមរយៈការបុកគ្រឹះយ៉ាងមាំនៅក្នុងឧស្សាហ៍កម្មចម្រៀងទាំងជាតិនិងអន្តរជាតិ។
មិនត្រឹមតែក្រុម Maroon 5 ប៉ុណ្ណោះទេ សូម្បីតែ BTS ក្រុមល្បីនិងជាគូប្រជែងដ៏ធំក្នុងស្រុករបស់ Blackpink ក៏មានចំនួនសរុបលើYouTube ត្រឹមតែ ១១,៥៣៩,៩៧៩,៦២២ ដងប៉ុណ្ណោះ ទាំងដែលឆាណែល BANGTANTV បានបង្កើតតាំងពីឆ្នាំ ២០១២ មក។
គណនី YouTube របស់ក្រុម Blackpink មកដល់បច្ចុប្បន្នមានចំនួន Subscribe ៦៣,៣ លានគណនី ដែលនេះគឺជាចំនួន Subscriber មួយដ៏ធំនិងច្រើនសម្រាប់សិល្បករនារីជាក្រុមនៅក្នុងពេលបច្ចុប្បន្ន។ ក្រុម BLINKS ដែលជាឈ្មោះអ្នកគាំទ្រក្រុមចម្រៀង Blackpink ពិតជាមានមោទកភាពខ្លាំងចំពោះការសម្រេចបាននូវជោគជ័យរបស់តារាសំណព្វចិត្តរបស់ខ្លួន៕
ប្រភព៖ K-Buzznews
