អត្តពលិក Muhammad Sejahtera Dwi Putra បានក្លាយជាអត្តពលិកឥណ្ឌូនេស៊ីដំបូងគេដែលឈ្នះមេដាយមាសចំនួន ២គ្រឿងក្នុងព្រឹត្តិការណ៍ប្រកួតកីឡាកម្រិតទ្វីបអាស៊ី Asian Games 2022 ធ្វើឡើងនៅប្រទេសចិន។
Muhammad បានបង្កើតប្រវត្តិសាស្ត្រថ្មីមួយនៅកីឡាកម្រិតទ្វីបអាស៊ីសម្រាប់កីឡាបាញ់កាំភ្លើង ដោយមេដាយមាសដំបូងដែលប្រទេសឥណ្ឌូណេស៊ីរកបាន ក្នុងប្រទេសកីឡាបាញ់កាំភ្លើងនេះកាលចូលរួមនៅ Asian Games ឆ្នាំ១៩៥៤ ធ្វើឡើងនៅប្រទេសហ្វីលីពីន។
មេដាយមាស ២គ្រឿងដែល Muhammad Sejahtera Dwi Putra ដណ្ដើមបានប្រភេទ កីឡាបាញ់កាំភ្លើង លើកវិញ្ញាសាដូចខាងក្រោម៖
- មេដាយមាស ១គ្រឿង លើវិញ្ញាសា Men’s 10 m running target
- មេដាយមាស ១គ្រឿង លើវិញ្ញាសា Men’s 10 m running target mixed run
គួរបញ្ជាក់ថា គិតត្រឹមព្រឹកថ្ងៃទី២៧ ខែកញ្ញា នេះ អត្តពលិករបស់ប្រទេសឥណ្ឌូណេស៊ី បានដណ្ដើមបានមេដាយសរុបចំនួន ៩គ្រឿង មាស ៣គ្រឿង ប្រាក់ ១គ្រឿង និងសំរឹទ្ធ ៥គ្រឿង ខណ:ប្រទេសចិនឈរកំពូលតារាង ដណ្ដើមបានច្រើនជាងគេ ៩៥គ្រឿង មាស ៥៣គ្រឿង ប្រាក់ ២៩គ្រឿង និងសំរឹទ្ធ ១៣គ្រឿង។
ព្រឹត្តិការណ៍ប្រកួតកីឡាកម្រិតទ្វីបអាស៊ី Asian Games 2022 ធ្វើឡើងនៅទីក្រុង Hangzhou ប្រទេសចិន ចាប់ពីថ្ងៃទី២៣ ខែកញ្ញា ឆ្នាំ២០២៣ រហូងដល់នៅថ្ងៃទី៨ ខែតុលា ឆ្នាំ២០២៣ មានប្រទេសចូលរួមចំនួន ៤៥ប្រទេស ប្រកួតលើ ៤៨២វិញ្ញាសា និង៤០ប្រទេសកីឡា៕