សិល្បៈអន្តរជាតិ៖ កាលពីថ្ងៃទី៥ ខែតុលា សារព័ត៌មានកូរ៉េ Yonhap បានផ្សាយថាសមាជិកក្រុមចម្រៀង BTS គឺ Jungkook បានជាប់ឈ្មោះដណ្ដើមពានរង្វាន់ចំនួន៣ផ្នែកផ្សេងគ្នាសម្រាប់កម្មវិធី MTV Europe Music Awards។
ពានរង្វាន់ចំនួន៣ផ្នែកដែលតារាចម្រៀងរូបនេះមានឈ្មោះដណ្ដើមមានដូចជា Best Song, Best K-pop និង Biggest Fans។ នេះបើយោងតាមសេចក្ដីប្រកាសផ្លូវការពីគេហទំព័រ MTV EMAs។
Jungkook បានចាប់ផ្ដើមបញ្ចេញចម្រៀងទោលរបស់ខ្លួនគឺ «Seven» កាលពីខែកក្កដា។ បទចម្រៀងទទួលបានការគាំទ្រលំដាប់លេខមួយ នៅលើតារាង Hot 100 និង លេខ៣ នៅលើតារាងបទចម្រៀងទោលល្បីរបស់អង់គ្លេស British official។ កាលពីសប្ដាហ៍មុន Jungkook ទើបតែចេញចម្រៀងទោលទីពីររបស់ខ្លួនគឺ «3D»។
គួរដឹងថា កម្មវិធី MTV EMAs ប្រចាំឆ្នាំ២០២៣នេះ នឹងរៀបចំឡើងនៅថ្ងៃទី៥ ខែវិច្ឆិកា នាទីក្រុងប៉ារីស ប្រទេសបារាំង៕
ប្រភព៖ yna.co.kr