ព្រឹត្តិការណ៍កីឡា Asian Games 2022 ដែលប្រទេសចិន ទទួលសិទ្ធជាម្ចាស់ផ្ទះ មានវត្តមាន ៤៥ប្រទេស ក្នុងទ្វីបអាស៊ី ចូលរួមក្នុងព្រឹត្តិការណ៍នេះ ខណៈវិញ្ញាសារបាល់ផ្នែកទាត់នារី ក្រុមជម្រើសជាតិនារីកូរ៉េខាងជើង ដណ្តើមបានមេដាយប្រាក់ ក្រោយចាញ់ជប៉ុន នៅវគ្គផ្តាច់ព្រ័ត្រក្នុងលទ្ធផល ៤-១។
ជាលទ្ធផលក្នុងការប្រកួតវគ្គ៨ក្រុមចុងក្រោយនៃវិញ្ញាសារបាល់ទាត់ផ្នែកនារី៖
– ចិន 4-1 ថៃនេះ
– ជប៉ុន 8-1 ហ្វីលីពីន
– ចិនតៃប៉ិ 1-2 អ៊ូសបេគីស្ថាន
– កូរ៉េខាងជើង 4-1 កូរ៉េខាងត្បូង
លទ្ធផលវគ្គពាក់កណ្តាលផ្តាច់ព្រ័ត្រ៖
– ចិន 3-4 ជប៉ុន
– អ៊ូសបេគីស្ថាន 0-8 កូរ៉េខាងជើង
ដណ្តើមលេខ៣៖
– អ៊ូសបេគីស្ថាន 0-7 ចិន
វគ្គផ្តាច់ព្រ័ត្រ៖
– កូរ៉េខាងជើង 1-4 ជប៉ុន។
គួរឱ្យដឹងដែរថា ព្រឹត្តិការណ៍កីឡាកម្រិតទ្វីបអាស៊ី Asian Games រៀបចំឡើងដំបូងតាំងពីឆ្នាំ១៩៥១ មកម៉្លេះ ពោលគឺរាល់៤ឆ្នាំម្តង ស្របពេលដែលឆ្នាំ២០២៣ នេះគឺជាលើកដំបូងហើយ ក្រោយចប់សង្គ្រាម ដែលកម្ពុជាបានចូលរួម ខណៈកាលពីឆ្នាំ១៩៧០ កម្ពុជាធ្លាប់ឡើងដល់វគ្គពាក់កណ្តាលផ្តាច់ព្រ័ត្រ ប៉ុន្តែកាលនោះកម្ពុជា បានត្រឹមទទួលចំណាត់ថ្នាក់លេខ៤ ដោយគ្រានោះប្រទេសថៃ ជាម្ចាស់ផ្ទះ។
ព្រឹត្តិការណ៍នៃការប្រកួត Asian Games ឆ្នាំ២០២២ តែលើកមកធ្វើនៅឆ្នាំ២០២៣ ធ្វើឡើងនៅទីក្រុង Hangzhou ប្រទេសចិន ចាប់ពីថ្ងៃទី២៣ ខែកញ្ញា ឆ្នាំ២០២៣ រហូតដល់ថ្ងៃទី៨ ខែតុលា ឆ្នាំ២០២៣ លើ៤៨២វិញ្ញាសា ៤០ប្រទេសកីឡា៕
