ក្រុម SEE YOU SOON បានក្លាយជាម្ចាស់ជើងឯកព្រឹត្តិកាណ៍ប្រកួតកីឡាអេឡិចត្រូនិក 2023 MPL-KH Autumn Split លើវិញ្ញាសា Mobile Legends: Bang Bang រដូវកាលទី៥ ក្រោយយកឈ្នះក្រុម CFU GAMING នៅវគ្គផ្ដាច់ព្រ័ត្រ កាលពីថ្ងៃទី៨ ខែតុលា ឆ្នាំ២០២៣ នៅផ្សារទំនើប AEON MALL SEN SOK”។
ជ័យជម្នះនេះបានធ្វើឲ្យក្រុម SEE YOU SOON មានឈ្មោះតំណាងកម្ពុជា ទៅចូលរួមប្រកួតក្នុងព្រឹត្តិការណ៍ជើងឯកពិភពលោក M5 World Championship ដែលគ្រោងធ្វើឡើងនៅប្រទេសម៉ាឡេស៊ី និងហ្វីលីពីន ចាប់ផ្ដើមពីថ្ងៃទី ២៣ ខែវិច្ឆិកា ដល់ថ្ងៃទី១៧ ខែធ្នូ ឆ្នាំ២០២៣។
ការប្រកួត Mobile Legends Professional League ឬហៅកាត់ថា MPL KHបានធ្វើការប្រកួតចាប់ផ្តើមប្រកួតចាប់ពីថ្ងៃ១២ សីហា ឆ្នាំ២០២៣ ដោយមានក្រុមខ្លាំងចំនួន៨ធ្វើការប្រកួតគ្នាដើម្បីដណ្តើមពាន MPL KH Season 5 នឹងដើម្បីធ្វើការកក់កៅអីទៅកាន់ការប្រកួត M5។
ចំណាត់ថ្នាក់ក្រុមទាំង៨ រប្រកួតកីឡាអេឡិចត្រូនិក 2023 MPL-KH Autumn Split លើវិញ្ញាសា Mobile Legends: Bang Bang រដូវកាលទី៥៖
-ម្ចាស់ជើងឯក៖ ក្រុម SEE YOU SOON ទទួលបានប្រាក់រង្វាន់ ១៦,០០០ដុល្លារ
-លេខ២៖ ក្រុម CFU GAMING ទទួលបានប្រាក់រង្វាន់ ៨,០០០ដុល្លារ
-លេខ៣៖ ក្រុម BURN X FLASH ទទួលបានប្រាក់រង្វាន់ ៥,០០០ដុល្លារ
-លេខ៤៖ ក្រុម TEAM MAX ទទួលបានប្រាក់រង្វាន់ ៣,០០០ដុល្លារ
-លេខ៥៖ D-ROAR Legends ទទួលបានប្រាក់រង្វាន់ ២,៥០០ដុល្លារ
-លេខ៦៖ ក្រុម PRO ESPORTS ទទួលបានប្រាក់រង្វាន់ ២,០០០ដុល្លារ
-លេខ៧៖ ក្រុម TEAM SV ទទួលបានប្រាក់រង្វាន់ ១,៥០០ដុល្លារ
-លេខ៨៖ ក្រុម IMPUNITY KH ទទួលបានប្រាក់រង្វាន់ ១,៥០០ដុល្លារ
គួរបញ្ជាក់ថា The Mobile Legends: Bang Bang Professional League – Cambodia (MPL-KH) គឺជាការប្រកួតលំដាប់កំពូលក្នុងវិញ្ញាសារ Mobile Legends: Bang Bang ដែលប្រមូលផ្តុំទៅដោយ កំពូលកីឡាករអាជីព និងទទួលបានគាំទ្រច្រើនជាងគេបំផុតក្នុងវិស័យកីឡាអេឡិចត្រូនិច្ចកម្ពុជា។
The Mobile Legends: Bang Bang Professional League – Cambodia (MPL-KH) ត្រូវបានដាក់ ដំណើរការដំបូងនៅក្នុងឆ្នាំ 2021 ដែលធ្វើឡើងជារៀងរាល់ឆ្នាំដោយបែងចែកជា 2 រដូវកាលគឺ Spring Split (ខែកុម្ភៈ ដល់ខែមេសា) និង Autumn Split (ខែសីហា ដល់ ខែតុលា)។
ការប្រកួត MPL-KH មានការចូលរួមពី ៨ក្រុមខ្លាំហើយបានប្រមូលផ្តុំទៅដោយកីឡាករអាជីពទាំងក្នុង និងកីឡាករអាជីពពីបរទេសចូលរួមជាច្រើន។ ការប្រកួតនឹងប្រព្រឹត្តិទៅដោយបែកចែកជាវគ្គសន្សំពិន្ទុ (Regular Season) និងវគ្គប្រកួតផ្តាច់ព្រ័ត្រ (Playoffs)៕
