សហព័ន្ធខ្មែរកីឡាហែលកម្ពុជា នៅថ្ងៃទី៩ ខែតុលា ឆ្នាំ២០២៣នេះ បានចេញសេចក្ដីប្រកាសស្ដីបីការប្រកួតកីឡាហែលទឹក និងកីឡាហែលទឹកពាក់ជើងទា ជ្រើសរើសជើងឯកថ្នាក់ជាតិ ប្រចាំឆ្នាំ២០២៣។
ការប្រកួតនឹងត្រូវធ្វើឡើងនៅអាងហែលទឹក នៃពហុកីឡដ្ឋានជាតិ ចាប់ពីថ្ងៃទី២៦ ដល់ថ្ងៃទី ២៨ ខែតុលា ឆ្នាំ២០២៣។ សម្រាប់វិញ្ញាសាប្រកួត និងកម្រិតអាយុ ដែលអាចចូលរួមការប្រកួតកីឡាហែលទឹក និងកីឡាហែលទឹកពាក់ជើងទា ជ្រើសរើសជើងឯកថ្នាក់ជាតិ ប្រចាំឆ្នាំ២០២៣ មានដូចខាងក្រោម៖
I. សម្រាប់ប្រភេទកីឡាហែលទឹកកម្រិតអាយុ ដែលអាចចូលរួមប្រកួតបានគឺមាន
១. ផ្នែកបុរស កីឡាករ ត្រូវមានអាយុចាប់ពី ១២ឆ្នាំឡើងទៅ
២. ផ្នែកនារី កីឡាការិនី ត្រូវមានអាយុចាប់ពី ១២ឆ្នាំឡើងទៅ
II. សម្រាប់ប្រភេទកីឡា FIN Swimming កម្រិតអាយុ ដែលអាចចូលរួមប្រកួតបានគឺមាន
១. ផ្នែកបុរស កីឡាករ ត្រូវមានអាយុចាប់ពី ១៤ឆ្នាំឡើងទៅ
២. ផ្នែកនារី កីឡាការិនី ត្រូវមានអាយុចាប់ពី ១៤ឆ្នាំឡើងទៅ
សូមបញ្ជាក់ថា ការប្រកួតកីឡាហែលទឹកជ្រើសរើសជើងឯកថ្នាក់ជាតិ គឺជាការប្រកួតកម្រិតបច្ចេកទេសខ្ពស់បំផុតរបស់ថ្នាក់ជាតិ ដើម្បីផ្តល់ឱកាសដល់កីឡាករ កីឡាការិនីនានាបានបញ្ចេញសមត្ថភាព និងសម្រិតសម្រាំងម្ចាស់ជ័យលាភីប្រចាំឆ្នាំផងដែរ៕
